Jeksenbi, 5 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
46 - söz 1279 6 pikir 29 Mamır, 2020 sağat 13:38

Biz damığan emes, äli de damuşı elmiz...

nemese halıqaralıq standarttar turalı

BAQ: "Prezident Toqaev BWW forumında "teñizge şığatın jolı joq DAMUŞI ("developing" nemese "less developed", "razvivayuşiesya") elder" tobı atınan söz söyledi".

Ärine, "damuşı" elder qatarı da birdey emes, ala-qwla.

Biraq twralap qalğan toptıñ atınıñ özi ne twradı!

Milliardtağan dollar jwmsap EKSPO sekildi körme wyımdastırğış, OBSE-ni basqarğış, ärtürli sammitter ötkizgiş, jeke bankterdi qwtqarğış ökimetke tipti jaraspaytın märtebe!

Ne dese de, osınşama bilim men ğılımğa, käsip pen bizneske beyim, talanttı, eñbekqor halqı men jer qoynauında Mendeleev tablicasınıñ barlıq derlik elementi bar eldiñ 30 jıl boyına resmi anıqtama boyınşa "damuşı" elder qatarınan şığa almay jürgeni - masqara!

Äytpese, "Qazaqstan - Ortalıq Aziya aumağınıñ köşbasşısı", "Postsovettik keñistikte reformalardı tabıstı jüzege asırğan el" dep, börkimizdi aspanğa laqtıruımız qayda qaldı?

Ükimet pen "Nwrotannıñ" jıl sayın beretin esepterindegi joğarı körsetkişter men "eşkimge jetkizbey, qarıştap damıp bara jatqanımız turalı" alaqaylar qayda?! Damığan elderdiñ 30-dığına enu wranı ne boldı?

Damuşı el köşbasşı bola ala ma?

Nege sonşalıqtı kenjelep, älem köşine ilese almay, osınday "damuşı" halde qaldıq?

Jauap bireu: bärine 30 jıl boyına öz halqına ekonomikalıq jäne sayasi erkindik bergisi kelmegen avtoritarlıq bilik, superprezidenttik jüye kinäli!

"Damuşı elder" degen kategoriyanıñ qatıp-semip qalğan anıqtaması joq. Sonıñ biri - is jüzinde olar OESR sekildi irgeli wyımğa müşe bola almaytın elderden twradı.

Al ol wyımğa kiru kriteriyleri jalğız ğana ekonomikalıq damu emes.

Ol üşin demokratiyanıñ, erkin narıqtıq ekonomikanıñ, industriyalıq damudıñ, äleumettik bağdarlamalar men adam qwqınıñ kepildikteriniñ standarttarınıñ joğarı boluı şart

Bizde bolsa, osı talaptardıñ bir de biri sın kötermeydi!

Eñ bastısı - memleket damığan elder qatarına qosılu üşin qoğamdıq qatınastar damuı kerek. Al ol qatınastardıñ örkenietti damuınıñ bir ğana jolı bar, ol - demokratiya!

Ämirjan Qosannıñ jelidegi jazbası

Abai.kz

6 pikir