Düysenbi, 6 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
529 2 pikir 29 Mamır, 2020 sağat 12:05

Senat "parlamenttik oppoziciya" turalı zañ jobaların qabıldadı

28 mamırda parlamenttiñ joğarğı palatası "Qazaqstan parlamenti jäne onıñ deputattarınıñ märtebesi turalı" jäne "Qazaqstan parlamentiniñ komitetteri men komissiyaları turalı" zañğa özgerister engizu turalı zañ jobaların qabıldadı.

Senat otırısında bayandama jasağan mäjilis deputatı Azat Peruaşev "zañ jobasındağı negizgi jañalıq" qwqıqtıq ortağa "oppoziciya" wğımınıñ engizilui ekenin atap ötti.

"Zañ jobasında "parlamenttik oppoziciya" wğımına berilgen anıqtamada bwl partiyalar, ädette, bilik partiyasınan bölek özgeşe sayasat jürgizuge mindetti degen tezis engizilgen. YAğni, biz "oppoziciyamın" deuşilerdi parlamentte ünsiz jürmey, belsendi jwmıs jürgizuge, qoğam üşin şın atsalısıp, mañızdı problemalardı köteruge, biliktiñ sayasatına jaña közqarası bolıp, bölek wsınıstardı beruge arnayı itermelep otırmız. Osınday partiyalarğa, "parlamenttik oppoziciya" atağımen şektelmey, sol wğımdı märtebesi men qwqıqtıq kepildikterimen tolıqtırudı wsınıp otırmız" dedi Azat Peruaşev.

Zañ jobası avtorlarınıñ aytuınşa, qwjatta oppoziciya üşin "birqatar qwqıqtıq artıqşılıqtar qarastırılğan". Mısalı, ärbir sessiya kezinde parlamenttik tıñdau men ükimet sağattarın bekitu, ükimettiñ zañ jobasına balama zañ jobasın wsınu, parlamenttiñ kez-kelgen is-şarasına, mäjilis pen senattıñ birlesken otırısında söz söyleu qwqığına ie.

Parlament deputattarınıñ bastamasımen jasalğan "Qazaqstan parlamenti men onıñ deputattarınıñ onıñ märtebesi turalı konstituciyalıq zañğa tolıqtırular engizu turalı" zañ jobası biıl 13 aqpanda ükimet qarauına wsınılğan. Naurızdıñ 18-inde parlament mäjilisiniñ qarauına tüsken.

Abai.kz

2 pikir