Jeksenbi, 5 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Alañ 1218 8 pikir 28 Mamır, 2020 sağat 17:18

Dulat Ağadildiñ qazasına qatıstı is toqtatıldı

Nwr-Swltan qalasınıñ prokuraturası uaqıtşa qamau abaqtısında qaza tapqan belsendi Dulat Ağadildiñ ölimine qatıstı qılmıstıq tergeudiñ qorıtındısın jariyaladı.

«Ağadildiñ öliminiñ sebepteri men qanday jağdayda qaza bolğanın täjiribeli sot-medicina sarapşıları men joğarı kategoriya kardilogtan twratın komissiya jan-jaqtı zerttedi. Olardıñ arasında Ağadildiñ tuıstarınıñ ötinişi boyınşa qatıstırılğan sarapşılar da boldı. Sarapşılar Ağadil miokard infarktisinen qaytıs bolğanın anıqtadı… Sarapşılar Ağadildiñ denesinen jaraqat tappadı. Osığan baylanıstı 25 mamır küni Ağadildiñ ölimine qatıstı qılmıstıq is qılmıstıq qwqıq bwzuşılıq oqiğasınıñ joqtığına baylanıstı toqtatıldı», – delingen qalalıq prokuraturanıñ baspasöz qızmeti taratqan habarlamadı.

Astanalıq belsendi Dulat Ağadil 25 aqpanda Nwr-Swltandağı tergeu izolyatorında qaytıs boldı. Marqwmdı sodan bir kün bwrın policeyler üyinen alıp ketken. Belsendini twtqındau säti beynelengen video äleumettik jelige tarap ketti.

Nwr-Swltan qalası policiya departamentiniñ resmi mälimetinşe, Dulat Ağadil «jürek talmasınan» köz jwmğan. Keyin policiya qaytıs bolğan belsendiniñ alkogol'dik işimdikke masayğan hälde bolğanın ayttı. Alayda, marqwmnıñ äriptesteri belsendi Ağadildiñ işimdik işpeytinin ayttı.

Osıdan keyin Nwr-Swltan, Almatı, Şımkent, Aqtöbe sekildi birneşe qalada narazılıq akciyaları ötti.

26 aqpanda AQŞ Memlekettik departamenti men Wlıbritaniyanıñ Qazaqstandağı elşiligi Dulat Ağadil qazasın aşıq äri mwqiyat tergeuge şaqırdı.

Abai.kz

8 pikir