Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
1352 4 pikir 28 Mamır, 2020 sağat 12:43

Sport komitetiniñ orınbasarları wstaldı

QR Mädeniet jäne sport ministrliginiñ Sport jäne dene şınıqtıru isteri komiteti törağasınıñ bwrınğı jäne qazirgi orınbasarları şamamen 400 million teñge jımqırdı degen küdikpen wstaldı. Bwl turalı Sıbaylas jemqorlıqqa qarsı is-qimıl agenttigi habarladı.

Olar Ridder qalasında salınğan oqu korpusına qatıstı aqşa jımqırğan degen küdikke ilingen.

«Şığıs Qazaqstan oblısınıñ Sıbaylas jemqorlıqqa qarsı qızmeti sotqa deyingi tergeu barısında asa iri kölemde byudjet qarajatın jımqıru faktileri boyınşa QR Qılmıstıq-processualdıq is jürgizu kodeksiniñ 128-babına säykes Qazaqstan Respublikası Mädeniet jäne sport ministrliginiñ Sport jäne dene şınıqtıru komiteti törağasınıñ bwrınğı jäne qazirgi orınbasarın wstap, Öskemen qalasındağı uaqıtşa wstau izolyatorına qamadı», - delingen habarlamada.

Wstalğandardıñ bireuine qatıstı sot 2 ay merzimge «qamauğa alu» türindegi bwltartpau şarasın sankciyaladı.

«Olar Ridder qalasındağı «Respublikalıq mamandandırılğan olimpiadalıq rezervtik mektep-internatı» RMM-niñ 300 orınğa arnalağan oqu korpusı» qwrılıs ob'ektisin salu kezinde is jüzinde orındalmağan jwmıs üşin merdigerdiñ şotına 380,8 mln teñge somasında byudjet qarajatın audaru arqılı jımqırdı degen küdikke ilindi», - delingen.

Qazirgi uaqıtta atalğan faktiler boyınşa sotqa deyingi tergeu jürgizilude, tergeu müddeleri üşin basqa aqparat jariya etilmeydi. Küdiktilerge qatıstı tüpkilikti şeşimdi olardıñ kinäsiniñ därejesin anıqtay otırıp, sot şeşedi.

Abai.kz

4 pikir