Seysenbi, 14 Şilde 2020
COVID-19 QAZAQSTANDA. Jwqtırğandar — 61755. Jazılğandar — 35911. Qaytıs bolğandar — 375
549 1 pikir 27 Mamır, 2020 sağat 13:46

Elimizde qaşıqtan oqıtudı resmi zañdastıru wsınıldı

Qazaqstanda qaşıqtan oqıtudı resmi türde tanılğan bilim beru formasınıñ qatarına qosu wsınıldı. Atalğan wsınıstı Wlttıq qoğamdıq senim keñesiniñ müşesi Rauan Kenjehanwlı aytqan. 

«Bilim berudiñ sapasın arttırıp, äri onı bar aymaqta qoljetimdi etu üşin qaşıqtan jäne onlayn oqıtu tehnologiyaların jüyeli türde jäne keñinen engizu swranıp twr. Soñğı 10 jılda älem boyınşa qarqındı damığan bwl tehnologiyalar öz tiimdiligin däleldedi. Äsirese, jahandıq karantin saldarınan jappay qaşıqtan oqıtuğa köşu bwl ädisterdiñ zor mümkindikterin körsetti. Ärine, mektep jäne kolledjderdi, JOO-nı tolıq onlaynğa ötkizu mindeti twrğan joq. Bwl mümkin de emes», - dep atap ötti spiker Wlttıq qoğamdıq senim keñesiniñ onlayn formattağı 3-otırısında.

Degenmen, är oquşınıñ jeke qabileti men mümkindikterin eskere alatın, sol arqılı oqıtudıñ tiimdiligin arttıratın tehnologiyalardı bilim beruge qazirdiñ özinde engizuge boladı.

«Ol üşin aldımen qaşıqtan oqıtudı Qazaqstanda resmi türde tanılğan bilim beru forması qatarına qosıp, onı Bilim turalı zañğa kirgizu qajet dep oylaymız. Qaşıqtan oqıtu tehnologiyasın qoldanatın oqu orındarına qoyılatın ädistemelik jäne tehnologiyalıq talaptardı ayqındap, olarğa bölek licenziya bergen abzal. Bwl mäsele şwğıl şeşilmese, öz elinde otırıp, şeteldik oqu platformaların tañdaytın qazaqstandıq qaşıqtan oquşılar köbeyedi. Qazirdiñ özinde bizdiñ esebimizşe 30 mıñnan astam qazaqstandıq oquşılar ien studentter qazaqstandıq bağdarlama, standart pen talaptı müldem eskermeytin şeteldik onlayn mektep pen universitetterde oqıp jatır. Bwl mäselege qatıstı wsınıstar men zañğa enui qajet tolıqtırular men özgerister jobasın ministrlikke tapsırdıq», - dedi R. Kenjehanwlı.

Bwğan deyin Rauan Kenjehanwlı Qazaqstan mektepterin bir auısımda oqu rejimine köşiru joldarın ayttı jäne Qazaqstanda wlttıq mektep ülgisin jasaudı wsınğan.

Abai.kz

1 pikir