Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Äkimniñ isi 1146 3 pikir 27 Mamır, 2020 sağat 13:01

Bolat Baqauov 3,5 jılğa bas bostandığınan ayırıldı

Qızmet babın asıra paydalanu faktisi boyınşa is qozğalğan Pavlodar oblısınıñ bwrınğı äkimi Bolat Baqauov 3,5 jılğa bas bostandığınan ayırıldı.

«Sottaluşı QR Qılmıstıq kodeksiniñ 361-babınıñ 4-böligi 3-tarmağı («Lauazımdıq ökilettikterdi teris paydalanu») boyınşa ayıptı dep tanıldı. Sottıñ ükimimen ol 3,5 jılğa bas bostandığı şekteldi. Sonday-aq, ol ömir boyına memlekettik qızmette jwmıs isteu qwqığınan ayırıldı»,- dedi №2 sottıñ sud'yası Nwrlan Qayırbekov.

Cot ükimimen oğan köñil köteru orındarına baruğa tıyım salındı. Odan bölek, 100 sağat uaqıt qoğamdıq eñbekke jwmıluğa mindettelgen. Jäne ol 10 mıñ dollardı qaytaruı tiis.

Eske sala keteyik, bwğan deyin prokuror Baqauovqa 3,5 jılğa bas bostandığın şekteu turalı ötiniş jasağan bolatın. Prokuror sottaluşınıñ kinäsi tergeu arqılı däleldengenin atap ötti. Sottaluşı Baqauov processualdıq kelisim jasasuğa kelisip, kinäsin tolıq moyındadı.

Al, osığan deyin Bolat Baqauov QR Qılmıstıq kodeksiniñ 362 babı, 4 tarmağı, 3 böligi boyınşa, yağni, «öziniñ jeke bas paydası nemese basqa jeke twlğanıñ, wyımnıñ paydası üşin qızmettik mansabın nemese bilik qwzıretin paydalanu» boyınşa küdikti dep tanılğan bolatın.

Zañda bwl bap boyınşa, 5 jıldan 10 jılğa deyin bas bostandığınan ayıru, dünie mülkin tärkileu, ömir boyı belgili bir qızmetke tağayındalu nemese belgili bir qızmetpen aynalısu qwqınan ayıru jazası közdelgen.

Abai.kz

3 pikir