Jwma, 14 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
46 - söz 6941 4 pikir 25 Mamır, 2020 sağat 13:13

Keşe ğana saylanğan prem'er sottalayın dep jatır...

Izrail'de prem'er-ministr Netan'yahudıñ üstinen qılmıstıq is qozğalıp, ol sotqa tartılıp jatır. Eskeretin bir jäyt: otstavkağa ketken ükimet basşısı emes, däl bügin eldi basqarıp otırğan, äli de tağınan taymağan, birneşe dürkin saylauda jeñip, tağı da prem'er bop saylanğan adam sottalayın dep jatır!

Bizde bolsa, qızmette jürgende joğarı şendilerge is qozğaudı bılay qoyğanda, olar turalı söz qozğaudıñ özi ekitalay! Bizde basşılar tek lauazımınan ketkennen keyin ğana isti bolıp jatadı.

Izrail'degi jağday atqaruşı bilik pen sot biliginiñ bir-birine täuelsiz boluınan orın alıp otır. Bizdegi ahual beseneden belgili.

Iä, Izrail'diñ sayasi ömiriniñ öz zañdılıqtarı bar. Iä, bwl bir-biriniñ artın şwqılap otıratın eki jaq bar sayasi bäsekeniñ bir körinisi. Iä, bwl qarsılastarınıñ las äreketi boluı äbden ıqtimal. Iä, bälkim, erteñ oğan tağılğan ayıp ötirik bolıp şığuı mümkin.

Bäri mümkin.

Biraq, qalıptasqan jüyeniñ zañdılığı sol: el basqarıp otırsañ da, seni sottauı mümkin.

Jäne de eger eş kinäsi joq bolsa, prem'er özin aqtap aladı. Oğan da bar mümkindik jasalğan.

Meniñşe, korrupciya men jemqorlıq qarsı kürestiñ eñ bastı bir şartı osı: biliktiñ üş tarmağı - zañ şığaruşı, atqaruşı jäne sot - bir-birine bağınbay, däl osılay qızmet atqaru kerek!

Sonda ärbir şendi erteñ sotqa tartılatının bilip, tartınıp jürer edi!

Erte me, keş pe - biz de sonday jüyege jetetinimizge men kämil senemin!

PS. Osındayda prezident, prem'er, ministr, äkimderdiñ qızmetterine jabısıp, ayrılmaytınınıñ sebebin tüsine beriñiz: qolındağı byurokratiyalıq, äkimşilik mümkindikterinen jwrday bolatının bilip, olar jılı ornımen qoştasqısı kelmeydi. Qızmetsiz olar sot aldına barudan ölerdey qorqadı. Sondıqtan da özderine "krışa" bolğan qwbajıq jüye işinde ana qızmetten mına qızmetke auısıp, şendilik "immunitetten" qol üzgisi kelmeydi. Deputattardıñ immuniteti öz aldına bölek äñgime. Sodan bolar, keşegi äkimqaralardıñ bäri deputat boluğa wmtıladı!

Ämirjan Qosannıñ jelidegi jazbası

Abai.kz

4 pikir