Jeksenbi, 7 Mausım 2020
COVID-19 QAZAQSTANDA. Jwqtırğandar — 12511. Jazılğandar — 7135. Qaytıs bolğandar — 53
46 - söz 1686 26 pikir 21 Mamır, 2020 sağat 14:08

Qazaq pen qazaqtıñ qazaqşa amandasuı ne üşin kerek?

Osı postıñ aldında Memlekettik telearnadan dini joralğımen amandasu dwrıs pa dep swrağan edik. Köpşilik ol dwrıs emes dep ün qattı. Endeşe, resmi türde qazaq tilinde amandasudı zañdastıratın kez kelgen siyaqtı. Sol amandasudıñ bir türi - ARMISIÑ (ARMISIZ) dep amandasu.
Endi osınıñ mağınası men mañızına qısqaşa toqtala keteyin:

"Armısız" degenniñ mağınası: 1. "Arıltu" - täniñ saulığı (mıs.: qazaqta bäyge atın jaratqanda artıq maydan, twzdan arıltuı sekildi). 2. "Arılu" - nietiñdi tazaladıñ ba, bizge degen oylarıñız dwrıs pa? 3. "Ar" - öziñde kinä joq pa, şındıq jolındasıñ ba? Mine, bwdan biz qazaqtıñ "armısıñ" deui adamdıq twlğağa arnalğanın köremiz. Mwnda - amandasu TWLĞA BOLMISIMEN ölşenedi.

Al, endi, dini amandasuda basqa: onda adamnıñ twlğalıq bolmısı mañızdı emes. Onda "qwlşılıq etudesiñ be" delinedi. YAğni, adamnıñ bolmısı Qwdayğa qwlşılıqpen, yağni - TAQUALIQPEN ölşenedi.... (Sondıqtan, dini joramen köpşilikpen amandasqanda, oğan mindetti türde meşittegidey "jamağat" (qwlşılıq etuşiler degeni) sözdi qosu kerek... Al, bwl erejege "Qazaqstan" siyaqtı telearna jürgizuşileri de bağınuı tiis. YAğni, olar da "Assalaumağaleykum, jamağat" dep amandasuı kerek).
Bar ayırması osı!

"Armısıñ" sözine qayta oralayıq:
Osı aytılğannan "Armısıñ" dep amandasu qazaqtıñ vizittik kartası ekendigin köremiz. Sebebi, bwlay dep tek qazaq - qazaqpen amandasadı. Söytip, älemniñ qay tüpkirinde bolmasın, eki qazaq "armısıñ" dep bir-birin taba qoyadı... wlttığın anıqtaydı!

Al "Assalau..."" dep bükil mwsılman qauımı amandasadı. Onda wlttıq sipat joq. Sol arqılı olar özderiniñ mwsılmandığın ğana anıqtaydı... ... wlttığın emes...

Äbdiraşit Bäkirwlınıñ jelidegi jazbası

Abai.kz

26 pikir