Jwma, 29 Mamır 2020
COVID-19 QAZAQSTANDA. Jwqtırğandar — 9932. Jazılğandar — 4900. Qaytıs bolğandar — 37
Äne, kördiñ be? 1668 9 pikir 19 Mamır, 2020 sağat 14:17

Zelenskiydiñ mälimdemesi häm Qazaqstannıñ poziciyası

Ukraina Prezidenti Vladimir Zelenskiy mwsılmandar üşin qasterli meyram bolıp sanalatın Qwrban ayt pen Oraza aytqa memlekettik märtebe beruge nietti ekenin bildirdi. 

Keşe, 18 mamırda Zelenskiy Qırım tatar halqınıñ ökilderimen kezdesip, genocid qwrbandarın eske alu künine oray köñil ayttı. Sonımen qatar, ol prezident keñsesiniñ janınan qırım tatarlarınıñ mäselesimen şwğıldanatın jwmıs tobın qwru turalı da bastama köterdi.

- Biz Qırımnıñ Ukrainağa qaytıp oralatın küni sözsiz tuadı dep senemiz. Qırım tatarları men ukraindar bir üstelge jinalıp: «Siz ben bizdiñ azattığımız üşin!» - dep tilek aytatın künge jetemiz,- dedi Ukraina prezidenti Qırım-tatar genocidiniñ qwrbandarın eske alu künine oray söylegen sözinde.

Al, mamırdıñ 17-18 qarağan tüni, Prezident Äkimşiliginiñ ğimaratına ukrain jäne qırım tatar halıqtarınıñ ıntımağın bildiretin jarıq proekciyası ornalastırılğan.

https://www.facebook.com/president.gov.ua/posts/2000090006802523

Ayta keteyik, Resey 2014 jılı Ukraina qwramındağı Qırım tübegin anneksiyaladı. Sol jılı säuirde Ukrainanıñ Doneck jäne Lugansk oblıstarında reseyşil separatister men Ukraina äskeri arasında qarulı qaqtığıs bastaldı. Büginge deyin atalğan qaqtığıstan 13 mıñnan astam adam qaza tapqan.

Al, Batıs elderi Reseydiñ Ukrainağa qatıstı äreketin ayıptağan bolatın.

Qazaqstan bwl mäselede beytarap wstanım bildirgen. Alayda,2019 jıldıñ jeltoqsan ayında Qazaqstan prezidenti Qasım-Jomart «Nemis tolqınına» bergen swhbatında : «Qırımda bolğan jağdaydı anneksiya dep atamaymız. Anneksiya - tım auır söz. Biz Resey Federaciyasımen senimdi, tatu qarım-qatınastamız. Minsk kelissözderi Nwrswltan Nazarbaevtıñ bastaması boyınşa jüzege asqanın eske salğım keledi. Bügingi tañda Minsk kelisimderi, Ukrainadağı qaqtığıstıñ retteluine kömektesetin jalğız zañdı qwjat bolıp tabıladı», – dedi.

Toqaevtıñ bwl sözine Ukraina Sırtqı ister ministrligi alañdauşılıq bildirip, Qazaqstanğa demarş joldağan.

Zelenskiydiñ bwl jolğı şeşiminen keyin jelide sarapşılar pikir jazıptı. «Ukrainanıñ Oraza men Qwrban ayttı memlekettik merekeler küntizbesine qosuı - Qırım tatarlarına jasalğan iltipat. Qazaqstan biligi de Qırımğa qatıstı poziciyasın naqtılauı kerek», - deydi sarapşılar.

Abai.kz

9 pikir