Beysenbi, 16 Şilde 2020
COVID-19 QAZAQSTANDA. Jwqtırğandar — 65188. Jazılğandar — 39066. Qaytıs bolğandar — 375
46 - söz 4547 16 pikir 12 Mamır, 2020 sağat 12:01

Jandarbek Bekşinniñ bar kinäsi orısşadan qateleskeni me?

Jandarbek Bekşin orısşasınan sürinip edi, jwrt jamırap küldi. Mazaq etti. Aqırı qızmetinen qwlap tındı. Qızmet jolın qarasañız, bar eñbegin sanitarlıq salağa arnağan kisi. Öte bilikti, taptırmas maman. Qazirgi Bas sanitarlıq därigerge qarağanda medicina ğılımınıñ kandidatı degen därejesi bar, ğılımmen aĭnalısqan adam. Äri eñbek ötili Esmağambetovadan keminde on jılğa artıq. Sonda bwl kisiniñ bar kinäsi orısşadan qateleskeni me? Öziniñ ana tilinde eki sözdiñ basın qwray almay bıljırap twratındardıñ qasında, Bekşinniñ orısşadan şatasuı keşirilmeytindey qanday "künä" eken sonda? Orısşa bilu qaĭ zañda mindettelgen? Nege biz öz-özimizdi orğa jığa beremiz?

Esmağambetovanıñ qızmetke tağaĭındalğalı beri halıq aldına şığıp qazaqşa bir auız söĭlegenin nemese sol bir aĭda öz salasında qandaĭ da bir esep bergenin körgenderiñiz bar ma? Kerisinşe, qaşan körseñ J.Bekşin taldau jasap jatadı.

Öz basım bwl auıs-tüĭisten eşqandaĭ da oñ şeşim körip twrğan joqpın. Kerisinşe, äli sol qazaq tilin kemsitu. Orıs tiliniñ üstemdik etip twrğanın baĭqattı. Bılayşa aytqanda, qazaq tilin orıs tilinine jığıp berdik. Boldı. Äĭtpese, qazaqşa bilmegeni üşin qaĭ şeneunik jazalanıp edi? Qazaqşa bir sözi tüsiniksiz Güljan Qarağwsova da jür jaĭrañdap...

Qazaq tiliniñ märtebesin qağaz jüzinde ğana qorğap jürgen keyip tanıtıp, al is jüzinde orıs tiliniñ däureni jürip twrğanın, ökinişke oraĭ eşqaĭsısımız da wğıp jürgen joqpız.

Ertay Nüsipjanovtıñ äleumettik jelidegi jazbası

Abai.kz

16 pikir