Seysenbi, 2 Mausım 2020
COVID-19 QAZAQSTANDA. Jwqtırğandar — 11571. Jazılğandar — 5941. Qaytıs bolğandar — 41
46 - söz 2806 2 pikir 6 Mamır, 2020 sağat 13:37

Mümkin, endi bwl jerde auıl bolmaydı...

Azattıq saytınıñ sureti

Mınau - mine, qwlap jatqan üy tündey,
Böpeleri qayda eken-ay titimdey?..
Mınau - meniñ şañırağım...
O, toba...
Mınau - meniñ qıñsılağan itim ğoy!..

Babam seni şın qazınam dep edi.
Tanıdıñ ba, bayğwsım-au öreli?
Qaraşı, äni,
dauısımdı esti sap,
Bizge qaray özi jüzip keledi...

Qoñır keşte mwñdı qostıñ bir mwñğa,
Senen özge qaldı deysiñ kim mwnda?
Qabırğası qaqırağan üyimniñ,
Kiesin sen qarauıldap twrdıñ ba?

Keşir meni, alıs ketip qalsam da,
Qarañğıda boldı bizge jan sauğa.
Bäse, tegi, ayğa qarap wlıp eñ,
Jer-älemdi su alatın qarsañda...

Bwl ülgiñdi eşqaşanda wmıtpan!
Qap!
Qaltağa salmappın-au sınıq nan...
Kä-kä, küşim,
jüzip mağan jet endi,
Dir qaqsañ da üş kün qısqan suıqtan.

Aqtösim-au, arsalañdap kel mağan,
Bäri dwrıs bolar...
Äyteu el de aman.
Saqşısıñ sen, qara topan su qaptap
Ketse dağı wyamızdı qorğağan.

Jauıngersiñ şepti tastap ketpegen,
Keşir meni, kinäm bolsa eptegen.
Äli-aq bizdiñ nän üyimiz boladı,
Nesibe men berekesi köktegen.

Amal qanşa, bwrınğı küy joq, mine,
Biz amanbız,
köziñ endi jetti me?
"It tileui jaqsı" deytin atam da,
"Bwl qasiret tez joyılsın" dep tile.

Jayşılıqta jürmeytin eñ köp tüzde,
Su qaytpasa, qaytu endi joq bizge.
Jür, keteyik,
qosılayıq qauımğa,
Ua, Jaratqan, endi qayğı şekkizbe!

Jwmır bastı uayım qalay tolğaydı...
Qamsız qaldıq.
Tüsinbedim sol jaydı...
Keteriñde artıña bir qarap al,
Mümkin, endi bwl jerde auıl bolmaydı...

Esey Jeñiswlı

Abai.kz

2 pikir