Seysenbi, 14 Şilde 2020
COVID-19 QAZAQSTANDA. Jwqtırğandar — 61755. Jazılğandar — 35911. Qaytıs bolğandar — 375
46 - söz 1703 2 pikir 6 Mamır, 2020 sağat 13:21

Jürek tiriltu jaylı jalğız söz

Ğalımdardıñ aytuınşa, 2012 jıldıñ 21 jeltoqsanınan beri Jer şarı galaktikadağı «Qaraqwrdımnıñ» (Çernaya dıra) tartılıs şeñberinde kele jatır. Onıñ aldında ğalımdar arasında: «Sol şeñberge kirgen soñ jer planetası kez kelgen uaqıtta sağızşa sozılıp bir-eki müynet işinde joq bolıp ketui mümkin» degen ürey boldı. Ärine bağımızğa oray ol qorqınış büginde artta qaldı. Sodan beri jer betiniñ är tüpkirinde aqılğa qonbaytın, sanağa sıymaytın qwpiya qwbılıstar bwrınğıdan beter qabındap köbeyip ketti. Sonıñ biri – ülken temirlerdi bir-birine üykegendey üreyli dıbıstardıñ jii-jii estile bastauı. Bwl qwpiyanı da eşkim äli däl tüsindirip berip jatqan joq.

Şındığında, mwnıñ barlıq sırı qasietti «Kälam-Şäripte» twr! Biraq Şäkärim qajı aytqan: «Söytip bwzıp, büldirip esil dindi, – Din dese esti azamat twra qaşar» zamanda mwnday aqiqattar ertegi siyaqtı estiledi. Onı ateist te, kosmopolit te, tipti, dindarlar da qabılday almaydı. Älgi dıbıstardı qwranda «näquur üni» degen. Ğwlamalar onday qwbılıs 1-aqırzamanda boladı dep jazıp ketken. Osı şındıqtardan şığarıp aytayın degenim – mınau.

Meniñşe, ärbir adam – galaktika! Ol galaktikada bir qwpiya planeta bar. Onıñ atı – Jürek. Eger Amanatqa qiyanat jasamay, jürekti Qwdaydıñ mekenine aynaldıra alsaq, onda ol mayak qwsap Mäñgilik Baqtıñ eline jetkizedi. Al Hannas-lağinniñ erkine berip qoysaq, ol barlıq säulesin tonatıp, «qaraqwrdımğa» aynaladı. Bwl – adamnıñ ölimi. Täniñ tiri boluı mümkin, biraq ruhıñ sönik bolğasın, külli jarıqtı jwtıp, jalmap qoyatın qwbıjıqsıñ.

Osı ölim turalı ardaqtı Payğambarımızdıñ (sğs) nemeresi Hazireti Qwsayın bwdan 1340 jıl bwrın bılay dep aytıp ketipti: «Adamzattıñ ölimi 3 närseden boladı. Birinşisi, täkapparlıq. Bwl – dinniñ ölui. Sol üşin ibilis qarğısqa wşırağan. Ekinşisi, qanağatsızdıq. Bwl – ruhtıñ joyıluı. Sol üşin Adam ata jännattan quıldı. Üşinşisi, qızğanış. Ol – aşu-ızanıñ negizi. Sol üşin Qabıl Abıldı öltirdi». Mine, qazirgi adam balasınıñ jüregin osı üş kesapat indet jaylap alğan. Osı «qaraqwrdımnıñ» tartılıs şeñberinde kele jatqanda bizdiñ bolaşağımızda – bayan, tirşiligimizde – bereke, ömirimizde män bar dep ayta almaymın.

Basqanı bilmeymin, özim osınau qwrdımnan sau şığudıñ jalğız jolı – Qwdaydıñ rahmet nwrı sebelegen qasietti Ramazan ayınıñ är tañsärisinde: «Ey, nwrıñnan ruhımdı bölip jan jaratqan, aqıl-sana, jürek pen mıy bergen Erekşe Meyirimdi Qwl süygiş Alla, tezirek Jäbireyil (ğs) perişteñdi jiberip: «Jalğandıqtıñ küni battı! Aqiqattıñ tañı attı!» dep 18 000 ğalamğa jar şaştıra gör! Ğafilet körpesin serpip, ölim wyqısındağı adamzattı oyatıp, men qara bet qwlıñnıñ öli jüregin tirilte gör!» dep zar eñirep dwğa qılu ğana degen baylamğa keldim...

Ayt-Mannıñ äleumettik jelidegi jazbası

Abai.kz

2 pikir