Beysenbi, 16 Şilde 2020
COVID-19 QAZAQSTANDA. Jwqtırğandar — 65188. Jazılğandar — 39066. Qaytıs bolğandar — 375
1411 9 pikir 10 Säuir, 2020 sağat 17:09

QR SİM «Aq jol» wsınısın BWW-nıñ ofşor jönindegi arnayı tobına jiberedi

QR Sırtqı ister ministrligi «Aq jol» partiyasınıñ wsınısın BWW-nıñ   jemqorlardıñ ofşorlarğa jibergen halıq aqşasın qaytaru jönindegi arnayı tobına qarastıruğa jiberetin boladı. Bwl turalı QR Sırtqı ister ministri M.Tileuberdi partiya törağası A.Peruaşevtiñ hatına joldağan jauabında habarladı.

Belgili bolğanday, osı jıldıñ basında Birikken Wlttar Wyımı jemqorlardıñ ofşorlarğa şığarğan halıq aqşasın qaytaru jönindegi arnayı toptar qwratını turalı jariyalağan  bolatın.

Osığan oray, «Aq jol» QDP deputattıq frakciyası QR SİM-ne BWW-nıñ qwrıp jatqan mwnday arnayı toptarın mümkindiginşe paydalanudı, yağni toptardı qwruğa belsene qatısuğa, sonday-aq onıñ jwmısına Parlament deputattarın, osı salada täjiribesi bar «Aq jol» Demokratiyalıq partiyasınıñ da ökilderin qatıstıstırudı wsınğan bolatın.

Partiyanıñ osı jıldıñ 5 aqpanında jasağan deputattıq saualında «Jemqorlıqtı joyu jäne halıqtan wrlanğan milliardtağan qarajattı elge qaytaru «Aq jol» Demokratiyalıq partiyasınıñ basım bağıttarınıñ biri. 2012 jıldan bastap partiya bwl mäseleni onnan asa deputattıq saualdarına arqau etti. «Aq jol» QDP frakciyası Kiprden (2013 jılı), Şveycariyadan (2015 jılı), «Panama tizimi» (2016 jılı) jäne «Rayskoe dos'e» (2017 jılı) jağdayları boyınşa qazaqstandıq qarajattıñ elge qaytarıluınıñ naqtı mäselelerin köterip keledi», dep atap ötilgen.

A.Peruaşev «Aq jol» Demokratiyalıq partiyasınıñ deputattarı ofşorlarğa şığarılğan halıq aqşasın qaytaru mäselesin memlekettik organdarmen ğana emes Evroparlament müşelerimen jäne Bryussel', Cyurih, Pekin, Riga, Singapur jäne tağı basqa elderdegi äriptesterimen ötken kezdesulerde talqılağanın da jetkizdi.

Ağımdağı jıldıñ 16 naurızı küni A.Peruaşev QR SİM-ne qwrılatın Joğarı deñgey tobı erejeleriniñ proceduraları jobası boyınşa öziniñ wsınıstarın joldadı. Onıñ oyınşa, atalğan jobağa qarjılıq esepten bölek jemqorlardıñ halıqtan zañsız wrlağan qarajattarın anıqtau jäne olardı şığaru joldarına tosqauıl qoyu, sonımen birge mwnday aqşalardıñ elge qaytarılu joldarı men naqtı is-şaraların äzirleudi engizu qajet.

«Aq jol» partiyasınıñ jetekşisi «Qazir däl osı bağıttağı mäsele mañızdı.  Keybir elderdiñ halıqtan wrlanğan qarajattardı, sol halıqqa qaytaruğa qızığuşılıq tanıtpaytını bayqaladı» - dep sanaydı. Osığan oray, ol «Maqsattar», «Top şeñberinde boluı qajet:», «Panel'dik pikirtalas qatısuşılarınıñ röli» taraularına tiisti wsınıstardı  engizudi wsındı.

QR SİM-nen kelip tüsken hatta BWW-nıñ atalğan Jwmıs tobı 15 adamnan qwrılatını belgili boldı. Qatısuşılardıñ tepe-teñdigin saqtau maqsatında Aziya – Tınıq mwhitı aumağınan 3 qatısuşı ğana Jwmıs tobına kiredi.

«Osığan oray, Top qwramına qazaqstandıq ökilderdiñ engizilui mümkin emes» - dep habarlaydı QR Sırtı ister ministri M. Tileuberdi.

Alayda, QR Sırtqı ister ministrlgi Top qızmetiniñ jwmısın qadağalay otırıp, Qazaqstan tarapınıñ wsınıstarın Toptıñ qarauına jiberudi jalğastıradı dep atap ötti.

«Aq jol» Demokratiyalıq partiyası jäne onıñ parlamenttik frakciyası saylaualdı bağdarlamasın jüzege asıru jwmıstarın jalğastıruda.

Abai.kz

9 pikir