Koronavirus kýsheyip, qalalardyng karantinge jabylghany eshkimge de onay tiygen joq. Tótenshe jaghday kezinde biylik iyeleri de, qarapayym halyq ta qatty abdyrap qalghany ras. Ásirese, tapqan tabysy tamaghynan aspaytyn aghayyngha qiyn boldy.

Memleket tabysynan aiyrylghan túrghyndargha 42 500 tengeden kómek beremiz dep uәde etti. Áuelde búl kómekti 1,5 million adam alady dep josparlanghan edi. Keyin Memleket basshynyng sheshimimen, atalghan kómek 3 million adamgha beriletin boldy. Kýni býginde 42 myng tengelik әleumettik kómekti alugha 1 millionnan asa adam ótinish bildirgeni, býgin belgili boldy.

Biylikting bereri halyqtyng qolyna jeter. Osy rette memleket tarapynan qolgha alynghan osynau iygi sharagha eldegi atymtay jomart azamattar da ýn qosyp jatqanyn aita ketu kerek. Árqaysysy qolynan kelgenshe kópshilikke kómek berude. Jomart jandardyng aldy indetpen kýreske jýz milliondap kómek atasa, qalghany qinalghannyng qarnyn toydyrugha kirisken. Ásirese týrli qoghamdyq birlestikter men qayyrymdylyq qorlary qoldan kelgeninshe qyzmet atqaruda.

Búghan deyin «Jebeu» Respublikalyq qoghamdyq birlestigining Almatydaghy densaulyq saqtau úiymdaryna kómek kórsetkeni turaly  BAQ-ta habarlanghan edi. 20 nauryzda atalghan qoghamdyq birlestik Almaty qalalyq № 12 emhana men qalalyq densaulyq saqtau basqarmasyna qúny million tengelik betperdeler men antiyseptikalyq dәri-dәrmek tabystaghan bolatyn.

Omarәli Ádilbekúly bastaghan «Jebeulikterdin» qayyrymdylyq sharasy múnymen shektelgen joq. Kýni keshe ghana Abai.kz aqparattyq portaly jazghan, Qapshaghay qalasyndaghy ýii órtengen kópbalaly otbasygha jәne Almatydaghy Maghjan Júmabaev atyndaghy mektepte oqityn qyryq balanyng otbasyna qarjylay kómektesip otyr eken. Memleketten bir tiyn almaytyn, tenderge qatyspaytyn qoghamdyq birlestikting tek óz qaltalarynan shyqqan qarjymen halyqqa kómektesip jatqany ózgege ýlgi bolarlyq is ekeni dausyz.

Omarәli Ádilbekúly, «Jebeu» Respublikalyq qoghamdyq birlestigining tóraghasy

- «Jebeu» qoghamdyq birlestigi Qytaydan kelgen kәsipker azamattardyng atsalysuymen qúrylghan. 2009 jyldan beri júmys istep keledi. Negizgi maqsatymyz Qazaqstangha kóship kelgen qandastarymyzdyng azamattyq alyp, elge beyimdeluine kómektesu. Ol baghytta jasalyp jatqan júmystar az emes... 

Al mynau býkil әlemdi әurege salghan indet túsynda da elge kómek qolyn sozudan qashpaymyz. Memleket basshysynyng ýndeuine ýn qosyp, virustyng betin qaytaru ýshin biz de hal-qadirimizshe júmys jasap jatyrmyz. Koronavirus keranaulyqty, salghyrttyqty keshirmeytin, asa qatal indet bolyp túr. Múndayda barlyq azamattar, kәsipkerler, mekemeler, qoghamdyq úiymdar júdyryqtay júmylu kerek. Densaulyq saqtau úiymdarynyn, qúqyq qorghau organdarynyng talaby men ótinishin oryndau manyzdy.

Jút jeti aghayyndy degendey, indet tarap, qalalar karantinge jabylghan tústa, Qapshaghay qalasynda bes balasy bar otbasynyng ýii órtenip ketipti. Ony ózderinizding portaldan oqyp bildik. Baspanasyz qalghan bir ýili jan qoghamnan kómek súraghan eken. Sol kisilerge birlestigimiz atynan azyq-týlik alsyn degen niyetpen 180 myng tenge kómek berdik.

Sonymen qatar, Almaty qalasyndaghy Maghjan Júmabaev atyndaghy № 137 mektepte Qamqorlyq kenesining tóraghasymyn. Búryn da kerek kezinde kómektesip jýrdik. Osy joly «Jebeudin» atynan 40 otbasyna qarjylay kómek berdik. Búl kómek atalghan mektepte oqiyn 40 oqushynyng otbasyna beriledi. Kómek qarajat «Núr Otannyn», audandyq bilim basqarmasynyn, audandyq әkimshilikting jauapty adamdarynyng qatysuymen zandy týrde tabystaldy. 

Sonday-aq, ótkende Almaty qalalyq № 12 emhana men qalalyq densaulyq saqtau basqarmasyna qúny million tengelik maska men dәri-dәrmek jetkizip berdik. Múnyng bәri «biz birgemiz» aksiyasyna ýn qosu maqsatynda jasalyp jatyr. El bolyp bir jaghadan bas, bir jennen qol shygharyp koronavirustyng tamyryna balta shapsaq degen niyet, bizdiki.

Ayta keteyik, býginde Memleket basshysynyng bastamasymen taghayyndalghan memlekettik jәrdemaqymen qantar-sәuir ailarynda elimiz boyynsha 384,9 myng kópbalaly otbasylar qamtylghan. Al, tek sәuir aiynda ghana 396,5 myng otbasy 19 mlrd.tenge kóleminde jәrdemaqy alghan.

Al, júmysynan aiyryluyna baylanysty jyl basynan beri Memlekettik әleumettik saqtandyru qorynan әleumettik tólemdi 30,5 myng adam alghan.  Búl rette ótken jyldyng sәuir aiynda 3,2 myng azamatqa jәrdemaqy taghayyndaldy.

Enbek jәne halyqty әleumettik qorghau ministrligining mәlimetinshe, biyl 15 mamyrdaghy jaghday boyynsha 2,9 mln-nan astam qazaqstandyq tótenshe jaghday rejiymi kezinde tabysynan aiyryluyna baylanysty Memlekettik әleumettik saqtandyru qorynan 42 500 tenge mólsherinde ekinshi tólem taghayyndalghan.

Al, «42 500 tenge» tólemi engizilgen sәtten bastap ony 4,5 mln adam aldy.

Abai.kz