Düysenbi, 1 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5587. Qaytıs bolğandar — 41
Dat 1533 6 pikir 5 Säuir, 2020 sağat 14:32

Auıldağı «eriktiler» - mwğalimder!

Qazaqstan Respublikasınıñ prezidenti

Qasım-Jomart Toqaevtıñ nazarına!

Qwrmetti, Qasım-Jomart Kemelwlı! 

Karantin kezinde oquşılardıñ sabaq oqu jüyesi oñ şeşimin tabar emes. Bilim jäne ğılım ministrligi auıldar men alıs aymaqtarda äli künge deyin internet jwmıs istemeytinin bile twra, düyim jwrttı dürliktirip, «onlayn-sabaqpen» äureledi.

Bizdiñ eldegi keybir üyde teledidar men komp'yuterdiñ joqtığı tañdanarlıq jağday emes. Al ol şañıraqtağı üş oquşı qalay sabaq oqidı? Bayağıday körşiden kömek swraytın zaman joq, üyden şığuğa bolmaydı.

Onlaynnıñ bos äureşildik ekenine közi jetken soñ, ministrlik qaşıqtan oqıtuğa köşti. Ol qalay jüzege asırıladı? Oquşığa sabaq jürgiziledi, tapsırma beriledi. Dwrıs-aq. Endi balalar üy tapsırmasın üy aulasına arnayı ornatılğan jäşikke saluı kerek eken. Däl qazirgi jağdayda bastı nazarda oquşınıñ «üy tapsırması» emes, balanıñ densaulığı emes pe?!

Üy tapsırmaların eriktiler jinau kerek, jospar boyınşa. Auıl, audan ortalıqtarında eriktiler joq. Karantinniñ qatañ rejimi qayda qaldı? Üyden şıqpau turalı mäsele şe?

Eriktiler ornına auıl jağdayında mwğalimder üy tapsırmasın jinap, köşede jüredi. Bwl bir mäsele.

Endi jäşikterden alınğan tapsırmanı kim retteydi? Är pän, är sınıp boyınşa qalıñ qağazdı jiktep, retteu qajet. Mwğalimder üyde otıruı tiis, dep habarlandı. Al qazirgi kezde audandıq, oblıstıq bilim bölimderi tün ortasına deyin teledidar men komp'yuter tügendeumen aynalısuda. Olarğa karantinniñ qatısı joq pa? Olar endi üy tapsırmasın «sorttauğa» kirispey me degen qorqınış bar.

Är sabaqtıñ tapsırmasın pän boyınşa mwğalimderdiñ üyine jetkizu kerek! Üy tapsırmasın tasu üşin äkimşilikten kölik qarastırılıp, bwl mindet eriktilerge emes, mwğalimderge jüktelip jatır. Bilim jüyesi jwmısın toqtatpaptı delik, ministrlik mwnday jolmen qanday sapa körsetkişin közdep otır?

Koronavirusqa şaldıqqan nauqastardıñ sanı bügingi küni 550-den astı. Alıs-jaqın aymaqtardı da qamtıdı. Bastı nazarda karantin rejimi emes pe?! Qısı qattı aymaqtarda köp jağdayda aptalap sabaq toqtaydı. Büginde olar bilim köşinen qalğan joq qoy?! Bwrında kolhozdıñ josparı boyınşa mektep oquşıları aylap qırmanğa, egistik, saqpan, kartop jinau siyaqtı jwmıstarğa jegiletin. Sol däuirdiñ şetin özimiz de kördik. Eki ay mektepke barmasaq ta, sabaqtı ülgerip oqıdıq.

Ol kezdegi bilim jüyesi oquşılardı ülgertti. IV toqsan - qaytalau toqsanı. WBT tapsıratın oquşılarğa sabaq oqu jağdayı tolıq jasalsın. Tüsinemin. Al üdep kele jatqan indetti ısırıp qoyıp, köşede köpşiliktiñ üy tapsırmasın tasuı aqılğa qonbaydı.

Qwrmetti, Qasım-Jomart Kemelwlı!

Är söziñizde halıqtıñ densaulığı mañızdı ekenin qaytalap aytıp, är azamattıñ üyden şıqpauı üşin tiisti tapsırmalar berdiñiz. Karantin talaptarı öz deñgeyinde orındaluı üşin elimizde barlıq jağday jürgizilip jatır. Balalar men bilim böliminiñ mamandarı, mwğalimderdiñ densaulığı üşin tiisti şaralar atqarıluına ıqpal etuiñizdi swraymız.

Läylä Noğaybekqızı,

Nwr-Swltan qalası.

Abai.kz

6 pikir