2 sәuirde QR Preziydenti Qasym-Jomart Toqaev әskery mindettilerdi arnauly jiyndargha shaqyru turaly Jarlyqqa qol qoyghan edi.

Osyghan oray, Qorghanys ministri Núrlan Ermekbaev QR Qaruly Kýshterining aumaqtyq әskerlerin jasaqtau ýshin arnauly jiyndargha kimderding jәne qalay shaqyrylatynyn aitypty.

Áskerge kimder shaqyrylady?

Ministrding sózinshe, arnauly jiyndargha әskery esepte túrghan jәne densaulyghy jaramdy dep tanylghan azamattar shaqyrylady.

«Azamattar arnauly jiyngha túrghylyqty jeri boyynsha shaqyrylatyndyqtan, kýndelikti júmys retinde baryp, qyzmet ayaqtalghannan keyin ýilerine qaytady.

Egde jastaghy, otbasylyq jaghdayy qiyn nemese sozylmaly auruy bar azamattardy shaqyrudyng qajeti joq. Sebebi bizde adam resursy jetkilikti», - dedi ol.

Áskerge kimder shaqyrylmaydy?

Ministrding aituynsha, qoldanystaghy Zangha sәikes arnauly jiyndardan:

- qorghanys,

- qúqyq qorghau,

- qauipsizdikke qatysty memlekettik organda júmys isteytinder,

- aviasiyalyq personal,

- kóktemgi egis júmystary kezinde auyl sharuashylyghy salasynda enbek etetinder,

- pedagogikalyq kadrlar,

- bilim beru úiymdary men organdarda ishtey oqyp jatqan azamattar,

- әielder,

- 18 jasqa deyingi ýsh balasy bar azamattar,

- tergeudegi nemese prosessualdyq iske tartylghan azamattar,

- jergilikti atqarushy organdardyng deputattary arnauly jiyngha shaqyrylmaydy.

Ministr Núrlan Ermekbaevtyng aituynsha, birinshi kezekte eriktiler qyzmet etedi. Áskerge shaqyrylushylardyng merzimi men sanyn jergilikti jerdegi әkimder anyqtaydy. Al jiyn 10 kýnnen ýsh aigha deyin sozyluy mýmkin.

«Qaruly kýshterding ónirlik әskerleri aimaqtyq qorghanysty saqtaugha, sonymen qatar tótenshe jaghday tәrtibining saqtaluyna jauapty. Yaghny әskery mindettiler basqa aimaqtargha jiberilmeydi. Ónirlik әskerlerding bólimsheleri ishki ister organdarymen birlesip, blok-posttarda mindetin atqaryp, patrulige shyghyp, nysandardy kýzetip, su tasqynyna qarsy sharalargha atsalysyp, dezinfeksiya júmystaryn jýrgize alady. Arnauly jiyndardyng merzimi men әskery mindettilerding kerekti sanyn jergilikti atqarushy organdardyng ózderi aiqyndaydy», - dedi Qorghanys ministri.

Ermekbaev jiyn kezinde әskery mindettiler әskery qyzmetker mәrtebesine ie bolatynyn atap ótti. Olargha tamaq, kiyim-keshek, medisinalyq kómek siyaqty әleumettik sipattaghy barlyq jenildikter jasalady.

Búdan ózge, әskery jiyn kezeninde olardyng júmys orny men atqaratyn qyzmeti saqtalady. Áskery mindettiler memleketten ortasha jalaqy, al búryn júmys istemegen adamdar – 42 500 tenge mólsherinde eng tómengi jalaqy alady.

Ázirlegen Ramina Chakirbaeva

Abai.kz