Düysenbi, 30 Naurız 2020
Koronavirus 556 1 pikir 26 Naurız, 2020 sağat 20:14

Almatı, Nwr-Swltan men Şımkentte karantin rejimi küşeytiledi

QR Prem'er-Ministri Asqar Maminniñ törağalığımen QR Prezidenti janındağı Tötenşe jağday rejimin qamtamasız etu jönindegi memlekettik komissiyanıñ selektorlıq otırısı ötti. Bwl turalı coronavirus2020.kz saytı habarladı.

Ükimet basşısı Asqar Maminniñ törağalıq etuimen ötken selektorlıq otırısta:

- eldegi sanitarlıq-epidemiologiyalıq jağday turalı - QR Densaulıq saqtau ministri Eljan Birtanov,

- TJ kezinde şekteu şaraların bwzğandardı jauapqa tartu turalı - QR Ädilet ministri Marat Beketaev pen Bas prokuror Ğizat Nwrdäuletov,

- respublikalıq mañızı bar qalalardıñ ahualı turalı - Nwr-Swltan äkimi Altay Kölginov, Almatı äkimi Baqıtjan Sağıntaev pen Şımkent äkimi Mwrat Äytenov,

- azıq-tülik qauipsizdigi men äleumettik mañızdı azıq-tülik tauarlarına bağa belgilu turalı - QR Sauda jäne integraciya ministri Baqıt Swltanov, QR Auıl şaruaşılığı ministri Saparhan Omarov jäne basqa memlekettik organ basşıları bayandama jasadı.

Tötenşe jağday jönindegi memlekettik komissiya Almatı men Nwr-Swltan qalalarında karantin rejimin küşeytu turalı şeşimdi bekitti.

Ol boyınşa:

1. Azıq-tülik, däri-därmek satıp aludı jäne jwmısqa barudı qospağanda, azamattardıñ twrğın üyden şığuın şekteu;

2. Halıq köp jinalatın orındardı jabu (sayabaqtar, skverler, jayau jüretin köşeler, jağalaular, oyın alañdarı jäne t. b.);

3. Qoğamdıq kölik jwmısın kezeñ-kezeñmen şekteu;

4. Köşelerde jäne basqa da qoğamdıq orındarda üş adamnan artıq toptasıp jinaluğa tıyım salu (otbası müşelerinen basqa);

5. Kämelettik jasqa tolmağandardıñ ülkendersiz sırtta jüruine tıyım salu.

Şımkent qalası boyınşa:

- Şımkent qalasındağı Abay audanında «Täuelsizdikke 20 jıl» twrğın üy alabında üydi-üydi aralaudı wyımdastırumen 14 künge sozılatın karantin engiziledi,

- Şımkent qalasında sonımen qatar äuejaydıñ, temirjol vokzalı jäne avtovokzaldıñ, balabaqşalardıñ jwmısı toqtatıladı,

- Halıq köp jinalatın jerler jabıladı (sayabaqtar, skverler, jayau jürginşi köşeleri, oyın alañdarı t. b.),

- Qoğamdıq tamaqtandıru orındarınıñ jwmısı sağat 18.00-ge deyin şekteledi (sağat 18.00-den sağat 22.00-ge deyin üyge jetkizumen),

- Qoğamdıq kölik qozğalısı kezeñ-kezeñmen şekteledi,

- Azıq-tülik dükenderiniñ, sauda ortalıqtarı men kiim-keşek bazarlarınıñ, qızmet körsetetin nısandardıñ jwmıs rejimin şekteu Şımkent qalasınıñ äkiminiñ şeşimi boyınşa jüzege asırıladı.

Eskertu! Nwr-Swltan jäne Almatı qalalarında karantin rejimin küşeytu - 28 naurız küngi sağat 00.00-den bastaladı.

Bwl komendanttıq sağat emes

QR Aqparat jäne qoğamdıq damu ministr Däuren Abaev bügin ötken şğıl brifingte karantin rejiminiñ küşeytiluine qatıstı pikir bildirdi.

"Biliktiñ TJ kezindegi oqşaulauğa qatıstı barlıq talaptarın orındau kerek.28 naurızdan bastap üş qalada (Almatı, Nwr-Swltan men Şımkent - red.) jaña şekteu şaraları küşine enedi. Bwl komendanttıq sağat emes. Alayda TJ talaptarın bwljıtpay orındaularıñızdı swraymız", - dedi ministr.

Abai.kz

1 pikir