Senbi, 4 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
1747 5 pikir 26 Naurız, 2020 sağat 17:28

Almatı oblısında koronavirusqa qatıstı jalğan aqparattardı anıqtaytın «mobil'dik top» qwrıldı

Soñğı kezde  koronavirusqa qatıstı jalğan aqparattar jelide jiilep baradı. Messendjerlerdegi ärtürli alıpqaşpa äñgimeden halıqtıñ dürligip jatqanı tağı bar. Almatı oblısında öñir basşısı Amandıq Batalovtıñ tikeley tapsırmasımen «täjdi» tajalğa qatıstı şıqqan jalğan aqparattardı anıqtaytın mobil'dik top qwrıldı. Osılayşa, jwmıs tobı habarlardıñ jalğan, şının anıqtap, feyk mälimetterdiñ taraluına tosqauıl qoymaq.

Mamandar azamattardı tek resmi derekközdegi aqparatqa senuge şaqıradı. Ol üşin Almatı oblısı boyınşa 41 12 13, 8 800 080 88 28 nömirleri arqılı call-ortalıqqa tegin qoñırau şaluğa boladı. Respublika boyınşa 1406 birıñğay senim telefonı täulik boyı jwmıs istep twr.

Ayta ketu kerek, Almatı oblısında Covid-19 indetin jwqtırğan bir adam bar. Koronavirus jwqtırğan sırqattıñ jağdayı jaqsı. Qazir ol Qarasay audandıq auruhanasınıñ jwqpalı aurular böliminde em aluda. Sonımen qatar, 282 adam medicina qızmetkerleriniñ baqılauında twr.  Stacionarlıq emdelude – 84, üy karantininde 198 adam jatır.

Öñirde koronavirus infekciyasınıñ odan äri taraluına jol bermeu üşin qajetti şaralar jasalıp jatır. Oblısta täjdi indetke şaldıqqandardı emdeu üşin 150 jwqpalı auruğa arnalğan tösek, 800  provizorlıq jäne 1217 karantindik tösek-orın dayındalğan. Därigerler men emdelip jatqan nauqastar barlıq qajetti qwral men därilik preparatpen qamtamasız etilgen.

Ayman Asıl

Abai.kz

5 pikir