Jwma, 7 Tamız 2020
COVID-19 QAZAQSTANDA. Jwqtırğandar — 96922. Jazılğandar — 70680. Qaytıs bolğandar — 1058
46 - söz 834 17 pikir 25 Naurız, 2020 sağat 12:05

«Qazaqı termindi halıq jasaydı»

Memleket basşısı Qasım - Jomart Toqaev qazirgi älemdi jaylap otırğan indettiñ kesirinen bolıp otırğan dağdarıstı jağdayda qol qusırıp otırmay, karantin jağdayında da belsendi boluğa ündep otır. Bwl öte mañızdı. Uaqıtşa şaranıñ saldarı elge oñay timegenimen, wlt ruhın tüsirmeuge tiis. Biz bwl orayda osınday är şañıraqta tört közimiz tügel otırğanda otbasımızben keybir wlttıq qwndılıqtardı damıtuğa üles qosa alamız.

Bügin mağan belgili memleket, qoğam qayratkeri, wltjandı azamat Älihan
Bäymen habarlastı. Qazaqtıñ tildik qorın bayıtu, til tazalığı men sätti terminder jasauğa qatıstı oyın ayttı. Biraz azamattarmen aqıldasıptı.
Men oğan öz tarapımnan tömendegi oylar men wsınıstardı qosa alamın.

Ömir örkenietpen birge damıp otıradı. Sol örkenietpen birge ärtürli zat keledi, tehnika, tehnologiya, qızmet türleri payda boladı. Mısalı Islam dininiñ ıqpalımen kelgen qanşama sözder tilimizge siñisip ketti. Biraq biz olardı tura arabşa köşirip alğamız joq. Qazaqılandırdıq. Keybirin qazaqta bar sözben atadıq. Keyin parsı, orıs mädenietiniñ üstem twsında da köp söz keldi. Keñes ükimeti twsında ğılım men bilimniñ, mädeniettiñ san salası arqılı qanşama söz qoldanısqa endi. Onıñ deni halıqaralıq terminder bolsa, köbi qazaqşa balama tabuğa bolatın orısşa, ataular. Bwl twrğıda Til komiteti terminder men sözjasamda ülken jwmıstar atqardı. Dese de til tiri organizm retinde künde damıp, terminder eskirip, jañası payda bolıp otıradı. Bwl - zañdılıq. Jahandıq damudıñ sonşalıqtı tez jürip jatqanı sonday, är jaña qwbılıs, zat payda bolğan sayın onıñ atauı da künde jañarıp jatır. Eger sonıñ bärin sol özge eldiñ tilinde siñire bersek endi jüz jıldan soñ qazaq öz tilin tanımay qaluı mümkin. Sondıqtan da bizde termin jasau, är zattıñ atauınıñ qazaqşa balamasın tabu, bekitu mäselesi üzdiksiz äri ğılımi negizde jürip jatır.

Bwl orayda är azamattıñ söz jasamğa üles qosuınıñ mañızı zor. Älekeñniñ bwl bastamasın Til komiteti qoldaydı. Bastama ayaqsız qalmauı üşin, jäne tilge şınayı paydası tiyui üşin Til komiteti bwl şarağa baylanıstı "Qazaqı termindi halıq jasaydı" degen konkurs jariyalaydı. Onda barşa qazaqstandıqtarğa "Sizdiñşe qay sözdiñ balaması joq?Qazaqşa qalay atar ediñiz?" degen saual qoyılıp, jwrttan tüsken wsınıstı arnayı konkurstıq komissiyada qarap, sätti balama tapqan azamattardıñ atın atap, jeñimpaz dep tanitın bolamız. Onıñ şarttarı men talaptarı jasalıp, tanıstırılatın boladı. Bir sözben sätti termin jasauğa bar halıq, är qazaq qatısa aladı.

Tipti, qazirden bastasañız da boladı. Eger qanday da wsınısıñız bolsa meniñ osı paraqşama jazıñız nemese mına adreske (bakytgul.iskakova@mail.ru ) jiberiñiz.

Ädilbek Qaba 

Abai.kz

17 pikir