Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4613. Qaytıs bolğandar — 37
451 0 pikir 25 Naurız, 2020 sağat 11:01

COVID-19 pandemiyası: Jer twrğındarınıñ üşten biri karantinde

Älemniñ ondağan memleketinde 2,6 milliardtan astam adam koronavirus pandemiyasınan saqtanu üşin karantinde ömir süruge mäjbür.

24 naurızda keşke Ündistanda 1,3 milliard twrğın saqtıq şaraları küşeytilgen jüyege köşti.

Franciyada medicina salasınıñ mamandarı 17 naurızda engizilgen karantindi altı aptağa deyin sozudı ükimetke wsındı.

Şekarasın japqan Kuba seysenbi küni eldegi şetel turisterin karantinge otırğıza bastadı.

Qıtay biligi Hubey provinciyasında şekteu şaraların birtindep jwmsartadı. Seysenbi küni aymaqtağı twrğındar provinciyadan şığuğa rwqsat aldı. Epidemiyadan qattı zardap şekken YUhan' qalası 8 säuirden bastap karantinnen birtindep şığarıladı.

24 naurızda keşke älemde koronavirus jwqtırğandar sanı 417 mıñnan astı, kem degende 18 600 adam jwqpalı dertten qaza boldı. 108 mıñnan astam adam aurudan ayıqtı.

Koronavirus keseli Italiyada 6820 adamnıñ ömirin jalmadı. Bwl elde virustı 69176 adam jwqtırğan.

Qıtayda 81 171 adam koronavirus jwqtırsa, 3277 adam qaza boldı.

Ispaniyada osı keselden köz jwmğandar sanı 2700-den astı, al auru jwqtırğandar 40 mıñğa jaqındadı. Iranda 1934 adam qaza taptı, 24811 adam auru jwqtırdı. Franciyada 1100 keselden köz jwmıp, 22300 adam auru jwqtırdı.

Düniejüzilik densaulıq saqtau wyımı AQŞ-ta koronavirus tez tarap bara jatqanına alañdap otır. Qwrama Ştattarda koronavirus jwqtırğandar sanı 50 mıñğa jaqındap qaldı, şamamen 600 adam qaza boldı. Pentagon epidemiya birneşe ayğa sozıluı mümkin ekenin eskertti.

Abai.kz

0 pikir