Seysenbi, 2 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5587. Qaytıs bolğandar — 41
Bilgenge marjan 4640 0 pikir 20 Naurız, 2020 sağat 18:00

MÄMS: Saqtandıru tölemderin qayda jäne qalay töleuge boladı? (foto, video, infografika)

2020 jıldıñ 1 qañtarınan bastap elimizde mindetti äleumettik medicinalıq saqtandıru jüyesi engizilgen bolatın. Qwzırlı ministrliktiñ deregine sensek, bwl saqtandırumen el halqınıñ 94,5 payızı qamtılmaq. Jaña reforma boyınşa azamattar birneşe sanatqa bölingen. Är sanat (jeñildigi bar sanattardan basqası) QR Ükimetiniñ qaulısımen bekitilgen mölşerde jarna audaradı. Ol boyınşa jwmıs beruşiler jalaqı qorınan 2%, jaldamalı jwmıskerler jalaqınıñ jalaqınıñ 1%-ın töleydi.

Sonımen, mindetti äleumettik medicinalıq saqtandıru jarnasın (MÄMS) kimder töleydi? MÄMS qay uaqıttan bastaladı? Aylıq jarna soması qanşa? Jarna tölemegender qanday da bir jauapkerşilikke tartıla ma? Olar medicinalıq kömek ala ala ma? Jarnanı qalay töleuge boladı?

Biz osı saualdarğa jauap alu maqsatında MSQ Almatı qalalıq filialı Aqparattandıru böliminiñ jetekşisi Şınar Äljanovanı sözge tarttıq.

Bwl mindetti reforma. Sondıqtan MÄMS jarnasın töleu kerek

Şınar Äljanova:

- 1 säuirge deyin barlıq qazaqstandıqtar «şarttı» türde saqtandırılğan bolıp sanaladı. YAğni, 1 säuirge deyin saqtandıru paketine enetin medicinalıq qızmetterdi tolıq paydalana aladı. 2020 jıldıñ alğaşqı üş ayı «ötpeli» kezeñ retinde belgilengen. Osı kezeñde barlıq mäselelerdi şeşip, twrğındarğa jaña jüye egjey-tegjeyli tüsindirilui kerek. Bwl mindetti reforma. Sondıqtan jeñildik berilgen sanatqa jatpaytın barlıq azamattar jarnanı töleui şart. Al säuirdiñ birine deyin saqtandırılmağan azamattar jüyeden şığıp qaladı jäne saqtandıru paketin paydalana almaydı. Biraq bwl olar medicinalıq kömekten qağıladı degen söz emes. Bizde memleket tarapınan kepildik berilgen tegin medicinalıq kömek bar. Ol saqtandırılğan nemese saqtandırılmağanına qaramastan barlıq azamattarğa körsetiledi. YAğni, şwğıl jağdayda kez kelgen adamğa kez kelgen emdek mekemesinde kömek körsetilui kerek. Mısalı, saqtandırılmağan azamattar bwrınğışa jedel järdem qızmetin paydalana aladı, däri-därmekpen qamtıladı t.b., - deydi sarapşı.

MÄMS paketine qanday qızmetter kiredi?

Biıldan bastap Qazaqstanda medicinalıq kömek qos paket boyınşa körsetiledi. Birinşisi – kepildendirilgen tegin medicinalıq kömek. Ekinşisi – saqtandıru paketi (MÄMS). Al MÄMS paketine qanday qızmetter kiredi?

«MÄMS paketine josparlı stacionarlıq jäne stacionardı almastıratın kömek, KT, MRT sekildi bağası qımbat bolıp keletin konsul'tativtik-diagnostikalıq qızmet türleri, oñaltu jäne densaulıqtı qalpına keltiruge bağıttalğan em-dom türleri, sonday-aq, qarapayım halıqtıñ qaltasına qosımşa jük salatın medicinalıq qızmetter kiredi»,- deydi Şınar Äljanova.

Birneşe ay jarna tölemegen adam qanşa uaqıtta MÄMS jüyesinen şığarıladı?

«Saqtandıru jüyesinen şığıp qaluğa türli twrmıstıq jağdaylar sebep boluı mümkin. Mısalı, adam jwmıstan şığıp qaldı delik. Jwmıs beruşi ol üşin jarna töleudi de toqtatadı. Mwnday jağdayda ol aldağı üş ay boyı MÄMS paketin paydalana aladı. Üş ayda jarna tölenbese, jüyeden şığarıladı»,- deydi sarapşı.

Mısalı, azamat özin 2020 jıldan emes, 2021 jıldan bastap saqtandırğısı keldi delik. Ol 2021 jıldıñ 1 qañtarınan bastap saqtandırılğan boluı üşin ne isteu kerek?

«Jalpı bwl barşağa mindetti jüye. Sondıqtan, jarnanı töleuge tiispiz. Al biıl eş mümkindigi bolmağan azamattar, jarnanı kez kelgen uaqıtta tölep, saqtandıru jüyesine qatısa aladı. Biraq, ol ötken 12 aydıñ qarızın töleui tiis. Öteletin qarız merzimi 12 aydan aspaydı. YAğni, 2-3 jıl tölemegen adam tek bir jıldıñ qarızın ötep, jüyege qosıla aladı»,- deydi Şınar hanım.

Birıñğay jiıntıq tölem nesimen tiimdi?

Qazirgi uaqıtta elimizde özin-özi jwmıspen qamtıp otırğan 1 millionğa juıq adam bar. Olar saqtandıru jüyesine qalay qosıladı?

«Olar üşin MÄMS jüyesine qosıludıñ eki jolı bar. Birinşisi – «öz betinşe» töleuşi retinde. Jarna bir eñ tömengi jalaqınıñ 5 payızın qwraydı. Al eñ tömengi jalaqı bizde – 42 500 teñge. Jeke twlğa sol somanıñ 5 payızın, yağni – 2 125 teñge töleydi.

Ekinşisi – birıñğay jiıntıq tölem. Bwl elimizde 2019 jıldıñ 1 qañtarınan bastap engizilgen salıq türi bolatın. Jiıntıq tölemniñ 40%-ı Medicinalıq saqtandıru qorına, 30%-ı Zeynetaqı qorına, 20%-ı Memlekettik äleumettik saqtandıru qorına, 10%-ı tabıs salığına audarıladı.

BJT – respublikalıq mañızı bar qalalar üşin 1 AEK (aylıq eseptik körsetkiş) nemese 2 651 teñge. Auıldıq jerler üşin 0,5 AEK nemese 1 325 teñge.

Saqtandıru paketine engen qızmet türlerin paydalanu üşin BJT soñğı 3 ayda üzilissiz tölenui tiis»,- deydi MSQ ökili.

Jarna qarızı 12 aydan asıp ketkenderge qanday da bir şara qoldanıla ma?

«Jeke twlğalarğa eşqanday şara qoldanılmaydı. Biraq, olar tek tegin medicinalıq kömek türlerin ğana paydalana aladı. Al tölemderdi uaqıtılı tölemegen zañdı twlğalarğa, jwmıs beruşilerge ayıppwl salınadı»,- deydi maman.

MÄMS. Azamattar öz statusın qalay jäne qaydan bile boladı?

Mindetti äleumettik medicinalıq saqtandıru tölemderin qalay jäne qayda töleuge boladı?

«Jüyege qosılu qiın emes. Qazir Qormen jwmıs isteytin klinikalar men emhanalar «Qiwi», «Kassa24» terminaldarın ornatıp jatır. Jarnanı «Kaspi.kz» mobil'di qosımşası arqılı da töleuge boladı. Jarna tölengennen keyin 5 minuttıñ işinde pacientke «saqtandırılğan» degen status beriledi. Sodan keyin ol saqtandıru paketine enetin qızmetterdi paydalana aladı»,- deydi MSQ Almatı qalalıq filialı Aqparattandıru böliminiñ jetekşisi Şınar Äljanova.

Sarapşı aytqan tölem türleri qanşalıqtı qoljetimdi? Qaysısı tiimdi? Jeke twlğalar jarnanı qalay töleydi? Biz osını is jüzinde tekserip kördik.

«Kaspi.kz» mobil'di qosımşası arqılı töleuge boladı. Bwl bağdarlamanı büginde kez kelgen azamattan tabılatın smartfonğa jüktep aluğa boladı. Ol üşin atalğan banktiñ tölem kartasınıñ iesi boluıñız qajet. Biz MÄMS jarnasın osı qosımşa arqılı töleu joldarın tömendegi nwsqaulıqta egjey-tegjeyli körsettik.

MÄMS jarnasın töleudiñ tağı bir oñay jolı – «Kassa 24» terminaldarı arqılı töleu. Öz qalañızdağı kez kelgen «Kassa 24» terminalında Medicinalıq saqtandıru qorınıñ tölem jüyeleri ornatılğan.

Tölem jönindegi nwsqaulıq:

1.Terminal mäzirinen «Qızmetterdi töleu» bölimin tañdañız,

2.«Özge tölemder» bölimine ötiñiz,

3.«Medicinalıq saqtandıru qorı servisin» tañdañız,

4.JSN men atı-jöniñizdi engiziñiz,

5.Tizimnen kezeñdi tañdañız,

6.Töleñiz jäne «töleu» degendi basıñız,

7.Çekti poştañızğa jiberiñiz nemese basıp şığarıñız.

MÄMS jarnasın töleudiñ tağı bir jolı – «Qiwi» terminaldarı arqılı töleu. Atalğan tölem terminaldarı MSQ jüyesine engen barlıq klinikalar men emhanalarda ornalasqan. Sonımen qatar, biz aytqan mekemelerde arnayı qızmetkerler tölem turalı keñes beredi.

Tölem jönindegi nwsqaulıq:

1. «Ayıppwldar, salıqtar, memlekettik qızmetter» bölimin tañdañız,

2. «Äleumettik medicinalıq saqtandıru qorı» bölimine ötiñiz,

3. JSN men atı-jöniñizdi engiziñiz,

4. Tizimnen kezeñdi tañdañız,

5. Töleñiz jäne «töleu» degendi basıñız,

6. Çekti poştañızğa jiberiñiz nemese basıp şığarıñız.

Eskertu! Tölemdi tölem iesiniñ özi de, sonday-aq, üşinşi twlğalar da jasay aladı.

MSQ pacientterdiñ qwqığın qorğap, zañ bwzğan emhanalarğa şara qoldana ma?

Qor pacientter qwqığın qorğaumen aynalısadı. Ol üşin halıqpen jwmıs jönindegi arnayı departament bar. Sonday-aq, azamattardıñ şağımdarı men wsınıstarın qabıldaytın 1406 birıñğay baylanıs jelisi jwmıs isteydi.

Pacienttiñ qayda jüginuine  boladı?

Medicinalıq qızmet sapası men kölemine qatıstı swraqtar boyınşa:

*Ärbir medicina wyımında pacientterdi qoldau jäne işki audit qızmetine jüginuge boladı;

*Bas därigerdiñ atına jazbaşa ötiniş jazıp, öziniñ baylanıs nömirin qaldıruğa boladı;

*Medicina wyımına «mvoter» mobil'di qosımşası arqılı bağa beruge boladı;

*Qordıñ saytındağı «Halıqtıq baqılau» bölimine jazbaşa ötiniş qaldıruğa jäne

*«Facebook», «İnstagram» äleumettik jelilerindegi messendjerlerge habarlama jiberuge boladı.

«Facebook» jelisindegi resmi paraqşa:

«İnstagram» jelisindegi resmi paraqşa:

Video. Şınar Äljanova swhbat

;t=52s

Abai.kz

0 pikir