Seysenbi, 22 Qırküyek 2020
COVID-19 QAZAQSTANDA. Jwqtırğandar — 107374. Jazılğandar — 102064. Qaytıs bolğandar — 1699
Bilik 982 1 pikir 20 Naurız, 2020 sağat 10:51

Memleket basşısı Erbolat Dosaevtıñ esebin tıñdadı

Memleket basşısı Qasım-Jomart Toqaev Wlttıq bank törağası Erbolat Dosaevtıñ esebin tıñdadı.

Erbolat Dosaev Qasım-Jomart Toqaevqa valyuta narığı men qarjı salasındağı qazirgi ahual turalı ayttı.

Wlttıq bank törağası Qazaqstannıñ qor birjasındağı «teñge-dollar» saudası kezinde Frankfurt aukcionı ädisin uaqıtşa engizu, sonday-aq, qarjılıq twraqtılıq pen iskerlik belsendilikti saqtau maqsatında aqşa-kredit sayasatına qatıstı qabıldanğan şaralar jayında bayandadı.

Memleket basşısı valyuta narığındağı jağdaydı twraqtandıru üşin Wlttıq banktiñ, Ükimettiñ jäne wlttıq holdingterdiñ üylesimdi jwmıs jürgizip, tiimdi şeşimder qabıldauınıñ mañızdılığın atap ötti.

Qasım-Jomart Toqaevtıñ pikirinşe, inflyaciya deñgeyiniñ ösuine qarsı jwmıstarğa erekşe nazar audaru kerek.

Kezdesu qorıtındısı boyınşa Prezident otandıq käsiporındarğa nesie beruge, olardıñ operaciyalıq qızmetin qarjılandıruğa qatıstı keşendi qoldau şaraların qabıldaudı tapsırdı.

Abai.kz

1 pikir