Senbi, 6 Mausım 2020
COVID-19 QAZAQSTANDA. Jwqtırğandar — 12511. Jazılğandar — 6903. Qaytıs bolğandar — 52
Bilik 588 0 pikir 11 Naurız, 2020 sağat 10:37

Memleket basşısı Nwrlan Ermekbaevtı qabıldadı

Memleket basşısı Qasım-Jomart Toqaev Qorğanıs ministri Nwrlan Ermekbaevtı qabıldadı.

Qarulı Küşterdiñ Joğarğı Bas qolbasşısına älemdegi zamanaui qauip-qaterlerdi eskere otırıp, Qarulı Küşterdi qalıptastırudıñ jäne damıtudıñ twjırımdamasın pısıqtau, sonday-aq, qaru-jaraqtardı, oq-därilerdi, äskeri tehnikalardı inventarizaciyalau jäne tekseru jwmıstarı turalı bayandaldı.

Nwrlan Ermekbaev Qasım-Jomart Toqaevqa ministrliktiñ geosayasi jäne ekonomikalıq bağıttağı sın-qaterlerdi monitoringteu boyınşa jürgizip jatqan jwmıstarı, halıqaralıq äskeri ıntımaqtastıq mäseleler turalı ayttı. Sonımen qatar elimizdiñ Qarulı Küşterin tiimdi basqarudı jaqsartuğa jäne qorğanıs qabiletin arttıruğa negizdelgen zañ jobasın dayındau jayında mälimet berdi.

Memleket basşısı Qarulı Küşterdiñ, oq-däri qoymalarınıñ, poligondar men äskeri qalaşıqtardıñ infraqwrılımın jetildiru jwmıstarın jürgizuge basa män berdi.

Kezdesu qorıtındısı boyınşa Joğarğı Bas qolbasşı Qorğanıs ministrine äskeri qızmetşilerdiñ äleumettik jağdayın köteruge jäne äskeri kadrlardı dayındau sapasın arttıruğa, sonday-aq, äskeri tärtipti küşeytu şaraların qabıldauğa qatıstı birqatar naqtı tapsırma berdi.

Abai.kz

0 pikir