Düysenbi, 30 Naurız 2020
Bilgenge marjan 6001 4 pikir 7 Naurız, 2020 sağat 14:13

Abaydıñ közi tirisinde salınğan jalğız portreti

Abaydıñ közi tirisinde jalğız portreti salınğan eken. Onı 1887 jılı äuesqoy suretşi Pavel Lobanovskiy salıptı. Qazir bwl suret Semeydegi Nevzorovtar äuleti atındağı beyneleu öneri muzeyinde saqtaulı körinedi.

Abaydıñ közi tirisinde salınğan jalğız portreti osı suret eken degen aqparattı äleumettik jelide aqın Baybota Qoşım-Noğay bölisipti.

Esteriñizde bolsa, osığan deyin Abaydıñ közi tirisinde tüsirilgen eki fotosuret te BAQ-ta jariya bolğan.

Onıñ biri 1896 jılı Semeyde tüsirilgen suret. Fotograf - N.G. Kuznecov. Onda Abaydıñ Dildädan tuğan twñğış balası Aqılbay, Abaydıñ özi jäne Äygerimnen tuğan wlı Twrağwl bar.

Abay muzeyine 1941 jılı 6 aqpanda ötkizilgen. Fotonı tauıp, saqtap Abaydıñ jañadan qwrılğan Semeydegi muzeyine ötkizuşi - Mwhtar Äuezov.

Ekinşi suret Abaydıñ otbasımen 1903 jılı tüsken sureti. Mwnda Abay öziniñ Jidebaydağı üy işimen tüsken. Birinşi qatarda Päkizat - börik kiip otırğan qız bala men Äubäkir. Bwl ekeui - Aqılbaydıñ balaları. Ortada otırğan - Abay. Ekinşi qatarda - Mağauiya, Erkejan jäne Äubäkirdiñ äyeli Kamaliya. Aldıñğı qatarda otırğan - Turağwl.

Fotosuretti tüpnwsqadan 1959 jılı qayta tüsirip, köşirme turinde Abay muzeyine bergen - Mwhtar Äueeov. Tüp nwsqası Almatıdağı Mwhtar Äuezov muzeyinde saqtaulı.

Ayta keteyik, biıl Abay Qwnanbaywlınıñ tuğanına 175 jıl toladı. Ötkende, 21 qañtarda Abaydıñ 175 jıldıq mereytoyınıñ resmi aşılu räsimi elordadağı «Astana Opera» teatrında ötti.

«Qazaq halqı – Abaydıñ halqı» attı merekelik koncertke qatısqan Prezident Toqaev elimizdiñ barlıq öñirinde jäne şetelderde ötetin merekelik şaralardı resmi türde bastap bergen bolatın. Endi bir jıl boyı elimizdiñ är öñirinde wlı aqınnıñ mereytoyı ayasında 500-ge juıq is-şara ötedi dep josparlanıp otır.

Abai.kz

4 pikir