Seysenbi, 2 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5587. Qaytıs bolğandar — 41
Qwyılsın köşiñ 7595 58 pikir 6 Naurız, 2020 sağat 11:36

Qıtaydağı üş million qazaq qırılıp qalu qaupi aldında twr

(Qazaqstan Prezidenti men halqına ündeu)

Älemdegi qazaqtıñ jalğız Otanı – Qazaqstan. 

Qazirgi tañda qazaqtıñ Qazaqstannan özge panası da, iesi de joq.

Ötken ğasırda Otarşıldıq pen qoldan jasalğan aşarşılıqtıñ  kesirinen bizdiñ halqımız örasan zor şığınğa wşırap keldi.

Elimiz Täuelsizdik alıp,  alısta jürgen ağayındı Qaraşañıraqqa jiıp aludı erte qolğa alğanımen, otız jılda äreñ bir miliionnan astam qazaq zorğa oraldı. Şette äli de bes-altı miliion qazaq qalıp baradı. Ökinişke oray, soñğı tört-bes jıldıñ köleminde olardıñ jağdayı kün sanap qiındap ketti. Til men dinnen, wlttıq bolımısınan ayırılıp bara jatqanı öz aldına, Qıtaydağı üş millionğa tayau qazaq qırılıp qalu qaupi aldında twr. 

Qıtay soñğı uaqıtta «Terrorizmmen jäne ekstremizmmen küres» dep sipattap, nätijede etnikalıq müsılman wlttarğa sayasi qısım jasap kelse, endi «Koronavirustan saqtanu şarası» ayasında olardı «ÜY TWTQININA» aldı. Auıl men auıldıñ arasındağı joldar jabılıp, eki körşiniñ biriniñ üyine ekinşisiniñ kiruine şekteu qoyıldı. Osı jağdayğa baylanıstı, däri-därmek, azıq-tülik tapşılığı turalı aqparattar dürkin-dürkin tarap jatqanı jasırın emes. 

AQŞ pen Qıtay arasındağı sauda soğısı Qıtay ekonomikasın zor dağdarısqa wşırattı. Jwmıssızdıq pen jwqpalı apat qıtay halqın sansıratıp baradı.

Eger, «Koronaviruspen küresu şarası» arı qaray jalğasa berse, biz Ay men Künniñ amanında üş million qazaqtan bası bütin ayırılıp qaluımız bek mümkin!

Sol üşin men Qazaqstan biligi halıqaralıq zañnamalar men şarttarğa jäne kisilik qwqıqqorğau wyımdarına süyene otırıp, Qıtaymen kelisip, Şıñjañdağı qandastarımızdı Qazaqstanğa tügel köşirip aludı talap etem! 

Sonday-aq, bükil qazaq qoğamınıñ işki narazılıq pen renişti doğarıp, osı mäselege ün qosuın swraymın!

Qazaqstandıq auqattı azamattardıñ atalğan şarağa qarjılay kömektesuin ötinem!

Auıt Mwqibek,

QR Prezidenti janındağı Wlttıq qoğamdıq senim keñesiniñ müşesi.

Abai.kz

58 pikir