Beysenbi, 4 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6606. Qaytıs bolğandar — 48
Qoğam 2989 13 pikir 3 Naurız, 2020 sağat 13:47

Wlttıq keñestiñ jaña müşeleri kimder?

Juırda Qazaqstan prezidenti Qasım-Jomart Toqaevtıñ bastamasımen qwrılğan QR Wlttıq qoğamdıq senim keñesine qatıstı birlı-jarım özgeris boldı. 

Aqorda aqparatına süyensek, Wlttıq keñes qwramınan birqatar azamattar şığarılğan eken. Al olardıñ ornına qoğamdıq pikir ieleri men jaña sarapşılar qosılğan.

Sonımen, Wlttıq qoğamdıq keñesiniñ qwramınan: El'vira Azimova, Arujan Sain, Bolat Palımbetov, Arman Şoraev, Baqıtjan Bwqarbay, Azamathan Ämirtay şığarıldı.

Endi bwl wyım qwramına jaña sarapşılar qosıladı. Olardıñ qatarında:  Mäjilis deputatı, «Qazaqstan ardagerleri» qauımdastığınıñ törağası Baqıtbek Smağwl, Europalıq qwqıq jäne adam qwqıqtarı institutınıñ direktorı Marat Başimov, qoğam qayratkeri, «Mazmwndama» qoğamdıq birlestiginiñ törağası Şıñğıs Mwqan bar.

Sonday-aq, jaña qwramğa: Qazaqstannıñ Energetikalıq Associaciyasınıñ bas direktorı Arman Qaşqınbekov, Qarağandı oblısındağı «Talbesik» köp balalı analar wyımınıñ jetekşisi, jurnalist Lazzat Qojahmetova, zañger, respublikalıq eriktiler qozğalısınıñ üylestiruşisi Aynwr Sabitova kiredi.

Ayta keteyik, Wlttıq qoğamdıq senim keñesi 2019 jıldıñ 12 mausımında qwrıldı. 12 mausım küni prezident Toqaev Wlttıq qoğamdıq senim keñesin qwru turalı Jarlıqqa qol qoydı. Bwl turalı resmi aqparat 13 mausımda jariyalandı. Oğan qoğamnıñ ärtürli salasında jürgen 40-qa juıq adam müşe boldı. Osı künge deyin eki märte keñeytilgen jiın ötkizip, birneşe zañ jobaları talqılandı. Solardıñ keybiri qazir Parlament talqısına berilgen.

Wlttıq qoğamdıq senim keñesi küni büginge deyin - bilik pen halıq arasındağı altın köpirge aynala bilgen qoğamdıq instituttıñ bir tarmağına aynaldı. Wlttıq keñes talqısındağı jwmıstar eldegi demokratiyanı damıtıp, el-halıqtıñ bilikke degen senimin nığaytuğa ülken üles qosatın mañızdı jwmıs boldı. Bwl prezident Qasım-Jomart Toqaevtıñ keñes jwmısına bergen bağası edi.

«Eñ bastısı Wlttıq qoğamdıq senim keñesi qoğam senimin aqtay bildi. Ol sındarlı dialog arqılı jaña sayasi mädeniettiñ negizin qalıptastıradı», - degen Qasım-Jomart Kemelwlı.

Memleket basşısı öz sözinde Wlttıq keñes müşeleri men memlekettik organ ökilderiniñ birlesken diskussiyası qoğamdağı qordalanıp jatqan birqatar mäseleni kün tärtibine şığarıp, qoğamdıq, ekonomikalıq jäne sayasi mäseleler boyınşa jüyeli häm wzaqmerzimdi strategiyalıq jobalar äzirleuge alğışarttar tüzilgenin aytqan. Bwl da öz kezeginde Memleket basşısınıñ «Ärtürli közqaras – bir wlt» formulasınıñ qoğamdıq ömirde qoldanısqa engenin däleldeydi.

El Prezidenti Qlttıq qoğamdıñ senim keñesiniñ ekinşi jalpı otırısında WQSK müşeleriniñ talıqlauınıñ negizinde sayasi-ekonomikalıq reformalardıñ alğaşqı böligi dayındalğanın süyinşilep aytqan edi.

«Demokratiya - bilik üşin de, halıq üşin de bölinu men ıdırauğa emes, eldiñ damuına qızmet etui tiis», - degen edi Prezident.

Bwl degeniñiz - bilik pen halıqtıñ sındarlı dialogı kez kelgen qiındıqtı eñseruge qabiletti bolmaq degen söz. Al ol üşin tapsırmas platforma - Wlttıq qoğamdıq senim keñes bolıp otır.

Prezident bastamasımen qwrılğan Wlttıq keñeske elişilik sarapşılardı aytpağanda, Halıqaralıq wyımdar tarapınan da joğarı bağa berilgen bolatın.

Wlttıq keñestiñ qwramına türli sayasi partiyalar men qoğamdıq birlestikterdiñ, ükimettik emes wyımdar men BAQ ökilderi, belgili qoğam qayratkerleri, qwqıq qorğauşılar jäne jetekşi qazaqstandıq sarapşılar kiredi. Wlttıq keñestiñ üşinşi otırısı 2020 jıldıñ säuir ayında ötedi dep josparlanğan.

Abai.kz

13 pikir