Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
Jañalıqtar 1744 14 pikir 28 Aqpan, 2020 sağat 16:12

Birtanov: Koronaviruspen medicinası damığan elderdiñ özi kürese almay otır...

QR Densaulıq saqtau ministri Eljan Birtanov koronovirustıñ Qazaqstanğa da jetui mümkin ekenin ayttı. Alayda qazir ministrlik bwl virustıñ aldın alu üşin qajetti şaralar qabıldap jatqan körinedi.

- Qazirgi künde koronavirustıq auru bizde joq. Bolmaydı dep aytuğa meniñ tilim barmaydı. Onıñ sebebi, täuekel öte joğarı. Biz elimizde osınday nauqastar bolsa, infekciya taralatın bolsa qajetti şaralar dayındap jatırmız. Biraq barlıq auırğan adam qırılıp qaladı degen, ol da dwrıs emes. Oğan senbeñizder, - deydi ministr.

Ministr Birtanov qazirgi uaqta medicinası damığan elder de bwl virustan zardap şegip jatır deydi.

- Şınımdı aytayın, infekciyanıñ jwğuı medicinanıñ qanşalıqtı damığanına asa baylanıstı emes. Medicinası damığan Japoniya, AQŞ, Koreya elderinde infekciyadan zardap şegip jatır. Bwl infekciya aua tamşıları arqılı jwğadı, - dedi Birtanov.

Alayda, Birtanov Qazaqstannan basqa da koronovirus jwqtırmağan elder barın aytıp, köñil aulağan bolıptı.

Al, juırda «Science» jurnalı Oksford pen Garvard universitetiniñ jetekşi epidemiologtarınıñ pikirlerin jariyaladı. Olar COVID-19 koronavirusı bükil planetada taraldı dep dabıl qağuda. Aytularınşa, şekaranı jabu men auırğan adamdardı baqılau endi kömektespeydi.

«Science» jurnalı öz materialında: «koronavirus anıqtalğan memleketterdiñ tizimin bere otırıp, London Imperatorlıq Kolledji model'deu tobınıñ bağalauı boyınşa, Qıtaydan «eksporttalğan» jağdaylardıñ üşten ekisine äli diagnoz qoyılğan joq», depti.

Oksford epidemiologı Kristofer Deydiñ pikirinşe, sanitarlıq jäne medicinalıq qızmetterdiñ äreketin özgertu qajet.

Osı uaqıtqa deyin Qıtayda koronavirustıñ taraluın bäseñdetuge, onıñ basqa elderge tarlmauına, tasımaldauşılarmen baylanısqan adamdarğa mwqiyat baqılau jasalıp, onday adamdarğa eki apta boyı karantin jariyalandı. Biraq qazir halıqaralıq saparlarğa qoyılğan şekteuler tiimsiz ekenin körsetken.

Osığan deyin Iran, Oñtüstik Koreya jäne Italiya elderi Qıtayğa wşaq reysterin şektegen.

Al, Düniejüzilik densaulıq saqtau wyımınıñ ökili Bryus Eylvard  Qıtaydağı epidemiya mäselesi boyınşa halıqaralıq komissiya qwramında jwmıs isteydi eken. Onıñ aytuınşa, eger Hubeydegi qıtaylıqtardıñ virusqa qarsı twrar küş-jigeri bolmasa, elde tağı da jüzdegen mıñ jağday orın aluı mümkin.

Ayta keteyik, qazir älem boyınşa 82 mıñnan asa adam koronovirus infekciyasın jwqtırğan. Al, virustan qaytıs bolğan adamdar sanı 2800-den asqan.

Abai.kz

14 pikir