Seysenbi, 2 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5587. Qaytıs bolğandar — 41
1585 26 pikir 22 Aqpan, 2020 sağat 17:34

Janbolat Mamay men "Dempartiya" belsendileri qamaldı

21 aqpan küni «Demokratiyalıq partiya» qwru jönindegi bastamaşıl toptıñ jetekşisi Janbolat Mamay men belsendi Janbol Ramatulla halıqtı zañsız mitingke şaqırdı degen ayıppen qamauğa alındı.

İİM baspasöz qızmetiniñ mälimetinşe, joğarıda atalğan eki azamattı Almatı oblısı Qarasay audanınıñ PB qızmetkerleri QR ÄQBtK-niñ 488-babı 3-böliginde közdelgen äkimşilik qwqıqbwzuşılıq jasağanı üşin wstağan.

Mamaydıñ jaqtastarı 22 aqpan küngi tañğı sağat 5:00-ge deyin onıñ qayda ekenin taba almağan.

Osı tüni Almatı oblısı Qaskeleñ qalası Qarasay audanı policiya basqarmasına barğan bir top adam «Demokratiyalıq partiya» qwru jönindegi bastamaşıl toptıñ jetekşisi Janbolat Mamaydı qamaudan bosatudı talap etti.

Onıñ jaqtauşıları «Bostandıq» dep ayğaylap, talaptarı orındalmağan jağdayda aştıq jariyalaytındarın ayttı.

Ayta keteyik, ötken jılı Janbolat Mamay jaqtastarımen birge «Demokratiyalıq partiya» qwratındarın jariyalap, Ädilet ministri onı jıldıñ soñında tirkegen.

Osıdan keyin J.Mamay 22 aqpanda Almatı qalasında «Demokratiyalıq partiyanıñ» qwrıltayın ötkizetinin habarlağan bolatın.

Artınşa josparı özgerip, bwl küni türli qısımdarğa baylanıstı mitingke şığatındarın mälimdegen. Däl osı küni Qazaqstanda ükimetke qarsı eki miting josparlanğan.

Onıñ alğaşqısın şetelde twratın oppoziciyalıq sayasatker Mwhtar Äblyazov pen ol jetekşilik etetin «Qazaqstannıñ demokratiyalıq tañdauı»  (QDT) qozğalısı josparlasa, ekinşisi J.Mamay bastağan toptıñ wyımdastıruı edi.

Sonımen, Qarasay audandıq sotınıñ qaulısımen Janbolat Mamay 3 täulikke, Rahmatulla 15 täulikke äkimşilik qamauğa alındı.

Al bügin Almatı, Nwr-Swltan, Şımkent jäne Aqtöbe qalalarında mitingke kelgenderdi qwqıq qorğau organdarınıñ qızmetkerleri wstağanı turalı aqparat taradı.

Dälirek aytqanda, Almatıda QDT mitingisine kelgen 100-ge juıq adamnıñ wstalğanı, sonday-aq, Şımkent pen Aqtöbe qalalarında da policiya ondağan adamdı wstağanı habarlandı.

Sonımen qatar, bügin Janbolat Mamay men Janbol Rahmatullağa bostandıq swrap, alañğa jiılğan "Dempartiya" ökilderiniñ de twtqındalğanı turalı aqparat taradı.

Olardıñ arasında sayasatker Tölegen Jükeev, qoğam belsendisi Irısbek Toqtasın, "Jas Alaş" gäzetiniñ bas redaktorı, Janbolat Mamaydıñ äyeli Inga Imanbay da bar.

Al QR İİM-niñ wstalğandar turalı resmi aqparatı äzirge tarağan joq.

Abai.kz

26 pikir