Beysenbi, 2 Säuir 2020
Talqı 1427 19 pikir 20 Aqpan, 2020 sağat 14:00

Wlttıq keñestiñ üşinşi jiını qaşan ötedi, ne talqılanadı?

Bıltır mausımda Qazaqstan prezidenti Qasım-Jomart Toqaevtıñ bastamasımen Wlttıq qoğamdıq senim keñesi qwrılğanı belgili.

Bilik pen qoğam arasında dialog ornatudı, elişilik qordalanıp jatqan keybir mäselelerdiñ konstruktivti şeşimin tabudı, onı qoğamnıñ är türli sala ökilderiniñ, sarapşı-mamandarınıñ talqısına salu arqılı kem-ketigin tüzeudi maqsat twtqan bwl keñeske qırıqtan asa adam müşe boldı.

Wlttıq qoğamdıq senim keñesiniñ alğaşqı otırısı ötken jılı qırküyek ayında ötti. Wlttıq keñes ayasında üş bağıt – sayasi, ekonomikalıq jäne äleumettik bağıttar boyınşa jwmıs toptarı qwrılğan. Ärbir jwmıs tobınıñ spikerleri kezek-kezek söz alıp, öz salası boyınşa mäseleler köterip, onı keñes talqısına saldı.

Odan bölek, prezident Toqaev Wlttıq keñes müşeleriniñ onşaqtısın jeke-jeke Aqordada qabıldadı.

Al Wlttıq keñestiñ ekinşi otırısı 2019-dıñ jıljabar - jeltoqsan ayında ötti. Bwl jiın - qoğamdıq mañızğa ie özekti mäseleler men osığan deyin aytılğan pikirler, wsınıstar men ükimettik deñgeyde talqılanğan mäselelerdiñ qortındı jiını boldı.

Jer salığı, wlttıq valyuta twraqtılığı, miting ötkizu principteri, memlekettik til reformaları, parlamenttik oppoziciya t.b. birqatar mäseleler boyınşa atqarılıp jatqan şarualar tiyanaqtaldı.

Odan beri eki aydan astı. Wlttıq qoğamdıq senim keñesi men onda aytılğan mäseleler boyınşa qanday jwmıstar atqarıluda? Keñes müşeleriniñ üşinşi basqosuı endi qaşan ötedi? Onda qanday mäseleler köterilui mümkin? Biz Wlttıq keñes müşelerine osı saualdardı qoydıq...

Köşi-qon mäselesine qatıstı Zañnıñ talqılanıp jatqanına jartı jıldan astı

Kartinki po zaprosu "auıt mwqibek"

Auıt Mwqibek, Wlttıq qoğamdıq senim keñesiniñ müşesi:

- Wlttıq senim keñesiniñ eki otırısı ötti. Ekeui de nätijeli boldı dep esepteymin. Biraz zañnamalar men normativtik qwjattarğa özgerister engizildi jäne engizlu üstinde. Endi, üşinşi otırıstıñ qay küni ötetininen meniñ habarım joq. Biraq, osı jartı jıldıqtañ alğaşqı mausımında ötedi degen oydamın. Sebebi, aldıñğı eki otırıstan birşama täjiribe jiıp qaldıq.

Jwmıs tobınıñ hatşısınıñ jäne müşeleriniñ aytuına qarağanda, bwl jolı belgili bir taqırıptıq mäseleler köterilui mümkin. Ol – mısalı, äleumettik sala boyınşa. Barlıq mäseleni bir jolı şeşip tastau mümkin emes. Äleumettik salanıñ kürmeui köp. Öz basım osı salağa qatıstı eki-üş zañnamağa wsınıstar dayındap jatırmın.

Öziñiz bilesiz, qazir Parlamentte köşi-qon mäselesine baylanıstı Zañ talqılanıp jatır. Jartı jıldan astı. Atalğan zañdarda bir-birne säykes kelmeytin twstarı bar. Mäselen, «Twrğın üy qatınastarı turalı» zañ men «Halıqtıñ köşi-qonı» turalı zañındağı baptar qandastarımızdıñ baspana kezegine tirkeluine kedergi jasap twr. Eki bap bir-birine säykes kelmeydi. Ükimettiñ de qorıtındısı alınğan. Ol qortındı tipti basqa bağıtqa ketken.

Sonday kerağarlıq «Qazaqstan Respublikasında zeynetaqımen qamsızdandıru turalı» zañda da bar. «Twraqtı tirkeuge baylanıstı da mäseleler joq emes... Qısqası, mäsele jetkilikti.

Bwl meniñ aytıp otırğan mäselelerim ğana. Al, äleumettik sala degen san salalı ğoy. Keñes müşeleri üş topqa bölingenin bilesiz. Demek, öz basım Wlttıq keñestiñ aldağı otırısında osı äleumettik, bilim, densaulıq salasınıñ mäselelerin talqılaudı, qatıstı zañdarğa özgertuler men tolıqtırular engizuge wsınıstar berilgenin qalaymın.

1 sınıptan bastap, 11 sınıpqa deyin Zañ deytin sabaqtı engizu kerek

Kartinki po zaprosu "jänibek qojıq"

Jänibek Qojıq, Wlttıq qoğamdıq senim keñesiniñ müşesi:

- Men Aqtau qalasında twramın. Biliktiñ nemese basqanıñ emes, qarapayım azamattardıñ birimin. Bizdi şaqırğannan keyin bardıq. Birinşi otırıs 6-qırküyek küni boldı. Sonda men eki mäsele köterdim. Bireui - şet elden keletin zañsız jwmısşılarğa kvota sanın azaytu jäne olardı tekseru. Olardıñ jalaqısı men äleumettik jağdayı ärtürli. Odan narazılıq tuadı.

Teñiz-Şevroylda 50 mıñ adam jwmıs isteydi. Onıñ 40 mıñı jergilikti Qazaqstan azamatı. 10 mıñı şet eldik azamattar dep esepteymin. Jalaqısı eki türli. Mine, osı mäseleni kötergen bolatınmın. Oğan 20-jeltoqsan küni jauap berip, bwl mäseleni şeşti. Zañdarı iske asıp jatır.

Ekinşi kötergen mäselem - er adamdardıñ zeynetkerlik jasın 60-qa, äyel adamdardıñ zeynet jasın 55-ke tüsiru kerek degen bolatınmın. Endi mwnı qarap jatır. Osığan tiisti ministrler äyel adamdar 55 jastan zeynetke şıqsa onıñ zeynetaqı qorındağı aqşaları jetpey qaladı degen siyaqtı sıltaulardı aytıp jatır. Biraq, ol äli zerttelmegen närse.

Meniñ estuimşe, Wlttıq keñestiñ üşinşi otırıs osı säuir ayında boladı. Onda eki mäsele qaraladı. Bireui - bilim salası, ekinşisi - densaulıq salası turalı aytıladı. Bwl da öte özekti mäsele dep oylaymın.

Meniñ bwl mäselege qatıstı wsınısım - 1 sınıptan bastap, 11 sınıpqa deyin Zañ deytin sabaqtı engizu kerek. Ärine, ol sabaqtı balalardıñ jas erekşeligine, sınıbına qaray ıñğaylau qajet.

Mektep bitirgennen keyin bala Zañ bilip şığuı kerek. Qazirgi bolıp jatqan jemqorlıq ta, üyden, jwmıstan basqasınan ayırılıp qalu da bäri zañ bilmegendikten bolıp jatır. Sondıqtan oquşılardıñ qwqıqtıq sauattılığın arttıru kerek dep esepteymin.

Dayındağan Nwrbike Bekswltanqızı

Abai.kz

19 pikir