Särsenbi, 8 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bilik 742 0 pikir 17 Aqpan, 2020 sağat 10:47

Memleket basşısı Myunhen konferenciyasına qatıstı

Qasım-Jomart Toqaev qauipsizdik jönindegi Myunhen konferenciyasında Ortalıq Aziyadağı ahualdı talqılauğa qatıstı.

Memleket basşısı qauipsizdik jönindegi 56-şı Myunhen konferenciyasınıñ panel'dik sessiyasında «Geografiyalıq ornalasudıñ mañızı: Ortalıq Aziya turalı äñgime» taqırıbında söz söyledi. Auğanstan Prezidenti Aşraf Ğani da pikirtalasqa spiker retinde qatıstı. İs-şarağa amerikalıq diplomat, Halıqaralıq baylanıstar jönindegi keñes prezidenti Riçard Natan Haas moderatorlıq etti.

İs-şara qızu pikirtalas formatında ötti. Spikerler moderatordıñ swraqtarına jauap berip, Ortalıq Aziyadağı qauipsizdikti qamtamasız etu jönindegi oyların ortağa saldı.

Memleket basşısı öñirdiñ alatın ornı turalı ayta kele, Ortalıq Aziyanıñ jahandıq geosayasattağı röli arta tüsetinin atap ötti.

Qasım-Jomart Toqaev forumğa qatısuşılarğa Qazaqstannıñ sırtqı sayasi basımdığı jäne elimizdiñ Reseymen, Qıtaymen, Euroodaqpen, AQŞ-pen, sonday-aq, Auğanstanmen özara qarım-qatınastarı turalı äñgimeledi.

Öñirdegi qauipsizdikti qamtamasız etu mäselesi arnayı taqırıp retinde talqılandı. Memleket basşısı esirtki tasımalına qarsı küres jönindegi şaralarğa, Qazaqstannıñ terrorizmge qarsı is-qimıldarğa qosqan ülesine, «Jusan», «Rusafa» operaciyalarınıñ qorıtındılarına egjey-tegjeyli toqtaldı.

Sonımen qatar Qasım-Jomart Toqaev jiınğa qatısuşılarğa öziniñ prezidenttiginiñ basımdıqtarı, elimizdegi sayasi jäne ekonomikalıq reformalardıñ negizgi bağıttarı turalı aytıp berdi. Osı rette Prezident ekonomikanı ärtaraptandırudıñ, innovaciyalar men cifrlandırudı damıtudıñ asa mañızdı ekenine nazar audardı.

Sessiyanıñ soñında Memleket basşısı jiınğa qatısuşılardıñ swraqtarına jauap berdi

Abai.kz

0 pikir