Düysenbi, 6 Säuir 2020
COVID-19 QAZAQSTANDA. Jwqtırğandar — 584. Jazılğandar — 42. Qaytıs bolğandar — 6
Dat 4714 8 pikir 14 Aqpan, 2020 sağat 11:34

Qazaqstan halqına ündeu

Qazaqstan Respublikası qoğam qayratkerleriniñ
ÜNDEUİ

Jambıl oblısı Qorday audanındağı orın alğan qayğılı jağday ärbir qazaqstandıqtı bey-jay qaldırmadı.

Memleket tarapınan jedel türde şaralar qabıldandı.

Prezident Q. Toqaevtıñ tapsırmasımen Ükimet komissiyası qwrılıp, kidirmesten oqiğa ornında jwmısın bastap ketti. Jwmıstarına salğırt qarağanı üşin jauaptı twlğalarğa qatıstı kadrlıq şeşimder qabıldandı. Zardap şekkenderge qajetti kömek körsetilude. Oqiğa ornındağı jağday aqparat qwraldarında aşıq jäne jedel jariyalanuda.

Biz memleket tarapınan tärtip pen qauipsizdik ornatuğa baylanıstı iske asırılıp jatqan küş-jigerdi qoldaymız.

Elimizdiñ Konstituciyası men zañdarı barlıq azamattar üşin mindetti bolıp tabıladı. Patriotizmdi qalıptastıru, etnosaralıq kelisim men beybitşilikti saqtau barlıq Qazaqstan azamattarınıñ borışı.

Tek dialog pen konstruktivti qarım-qatınas qoğamdağı birlik pen kelisimniñ negizi bola aladı.

Prezident Q.K. Toqaev aşıq jäne keñ qoğamdıq dialogtıñ jaqtauşısı bolıp tabıladı. Mine sondıqtan Wlttıq qoğamdıq senim keñesi qwrılıp, onıñ ayasında memleket damuınıñ özekti mäseleleri aşıq talqılanuda.

Jergilikti özin-özi basqaru mäseleleri, qwqıq qorğau organdarı men sot jüyesin reformalau, jastarğa arnalğan äleumettik liftterdi qalıptastıru, etnosaralıq qatınastardıñ jağdayı Wlttıq qoğamdıq senim keñesiniñ aldağı jwmıs otırıstarında talqılanatın boladı.

Dästürli dialog mädenietin, orın alğan özekti mäselelerdi birlese şeşudi jäne jalpığa birdey tiimdi jauaptar tabudı damıtu qajet dep esepteymiz.

Otanımızdıñ barlıq azamattarın bizdiñ bastı mızğımas qwndılığımız – Qazaqstan halqınıñ birligin saqtauğa birlese küş jwmıldıruğa şaqıramız.

Bwl sınaqtı eñseru halqımızdıñ qolınan keletinine Biz senimdimiz.

Arıstanbekov Q.T.
Ahmetbekov J.Ä.
Äbenov M.A.
Äbdiğaliwlı B.
Äzimova E.Ä.
Ämirtaev A.S.
Başimov M.S.
Esdäulet W.O.
Espaeva D.M.
Elgezek  A.
Esim Ğ.
Eşenwlı T
Jwmalı R.B.
Ileuova G.T.
Isa Q.J.
Kenjehanwlı R.
Qaliev T.B.
Quat D.
Qwttıqadam S.R.
Maygeldinov Q.Ö.
Mwqibek A
Nwrbek S.
Palımbetov B.Ä.
Raqımbekov T.S.
Sıdıqov E.B.
Sadırbay A.M.
Sarım A.Ä.
Sairov E.B.
Spotkay M.A
Serikbaev B. S.
Çebotarev A.E
Şibwtov M.M

Abai.kz

8 pikir