Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4746. Qaytıs bolğandar — 37
46 - söz 7347 36 pikir 13 Aqpan, 2020 sağat 12:56

135 wlttan twratın memleket bola ma?

Bizdiñ sayasat o basta dwrıs bolmadı...Wltqa qatıstı..135 wlttan twratın memleket bola ma? Joq. Onda ol 135 federal'dı aymaqtan twratın qwrama memleket bolar edi. Biraq mına jer älimsaqtan qazaqtıñ jeri...Keñistik tek qazaq arqılı anıqtaladı. Wlttıñ anıqtamasında jer-keñistik mañızdı orında twr. Tili, mädenieti, ädet ğwrpı,dini, tarihı(ötkeni, bügini, bolaşağı), qwndılığı, memlekettiligi... Osınday kul'turologiyalıq, politiologiyalıq jäne aksiologiyalıq teoriyalardı negizge almay yağni ğılımi tanımmen emes, sayasi spekulyativtik tetikterge süyengen bilik endi zardabın köre beredi...

Wlt aralıq qatınastar rettelui tiis. Qalay? Aldımen, ğılımi tanımdıq twrğıdan, ekinşi bolmıstıq ontologilıq twrğıdan; üşinşi barıp, osı eki tanımdıq nätijeler men qorıtındılar negizinde qwqıqtıq negizder arqılı jüzege asırılıp, rettelui tiis. Qazaqtıñ swrap otırğanı osı.

Al bizde "memleket qwruşı" men "memleket qwrauşı" wlttar arasın körsetetin konstituciyalıq qwqıqtıq normalar joq. Ras eger bir wlttı bir wlttan artıq statuspen bağalau, demokratiyalıq, qwqıqtıq wstanımdarğa sıymaydı. Biraq mına memleketti qwrğan wlttıñ, mädeniettiñ,tarihtıñ, bolmıstıñ, keñistiktiñ anıqtauış ökili ol qazaqtar. Sondıqtan memleket, wlt, mädeniet jäne din qatınası twrğısınan da barlıq jauapkerşilik qazaqqa tüsedi. Biraq qazaq sol jauapkerşilikti sezindi me? Oğan äli köp uaqıt kerek. Sana mäselesi. Al sananı tärbieleytin de memleket. al memleketti basqarıp otırğan bügingi biliktiñ onday avangardtıq tetigi de äleueti de körinbeydi. Bilikke osı psihologiyanı tüsinip, sezinip, tani alatındar legi kelse, onda ümit bar deuge boladı...

Memleket Farabi aytpaqşı, baqıtqa jetkizetin institut...Biraq ol memlekettiñ "mağrifattan" yağni tanımnan habarı bolmasa bäri dalbasa....Bügingi biliktiñ soqır sayasatınıñ arqasında qazaq älemge şovinist bolıp tanılatın boldı. Ökinişti. Qazaq şeşen, qazaq kürdi, qazaq wyğır, qazaq armyan, qazaq täjik, qazaq düngen qaqtığıstarı... endi kelesi kim...qazaq orıs, qazaq özbek pe? Bügingi prezident Qasımjomart Toqaev üşin keşegiden şeşilmey qalğan auır problemalar jiıntığı qaldı...Bärin basınan bastap qayta saraptaudı talap etedi..Transformaciya qajet. Sasıdıq...endi qwrttaymız..qwday betin aulaq qılsın, şiru degen joq bolu degen söz.

Dosay Kenjetaydıñ äleumettik jelidegi jazbasınan

Abai.kz

36 pikir