Düysenbi, 6 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bilik 835 2 pikir 13 Aqpan, 2020 sağat 10:41

Memleket basşısı Volonterler front-ofisiniñ aşılu räsimine qatıstı

Memleket basşısı Qasım-Jomart Toqaev «Birgemiz» attı respublikalıq Volonterler front-ofisiniñ aşılu räsimine qatıstı.

Qazaqstan Prezidenti volonterlik jobalardı üylestiretin äri qoğamdıq monitoring jasaytın jäne volonterlikti bükil elimiz boyınşa oqıtıp, nasihattaytın front-ofistiñ jwmısımen tanıstı.  Sonday-aq Memleket basşısına «Qazvolunteer.kz» onlayn-platforması körsetildi.

Qasım-Jomart Toqaev öz sözinde  Volonter jılında köptegen auqımdı jobalar qolğa alınatının atap ötti.

– Igi ispen aynalısu, adamdarğa jaqsılıq jasau – köne zamannan kele jatqan dästür.  Bwl dästürdi mindetti türde saqtap qaluımız kerek. Sebebi bireuge qol wşın sozıp, qoldau körsetu – qanımızğa siñgen qasiet. Halqımızda osınday bereke-birlikke şaqıratın ASAR dästüri bar. Bwl – ğasırlar boyı qwndılığın joymağan ata saltımız. «Jwmıla kötergen jük jeñil» deydi halqımız. Volonterlik qızmettiñ bastı maqsatı da – birge jwmılıp, halıqqa qızmet etu, – dedi Memleket basşısı.

Prezident qiın-qıstau uaqıtta Qazaqstanğa jer audarılıp kelgen köptegen wlt ökilderin  qazaq halqı bauırına basıp, bir üzim nanımen böliskenin atap ötti.

– Volonterlik naqtı istermen körinetin patriotizmniñ joğarı deñgeyin bildiredi. Otanğa degen mahabbat ülken wrandar men bos deklaraciyalar emes, bwl – kündelikti eñbek, sonıñ işinde halıqtıñ igiligi üşin şınayı atqarılatın qayırımdı ister.  Bwl – kündelikti eñbek, bwl – adamnıñ bolmısı, bwl – tereñ bilim, joğarı minez-qwlıq mädenieti. Özgeniñ dünie-mülkine qol swğatın, tonauşılıqpen aynalısatın, jalğan patriottıq wrandardı taratatın adamdar patriot emes ekenin tüsinuimiz kerek. Mwnday adamdar zañ bwzğan bolıp sanaladı, yağni, olar – qılmıskerler, qılmıstıq elementter. Sondıqtan olar qoğam men memleket aldında zañğa säykes jauap berui tiis, – dedi Qasım-Jomart Toqaev.

Onıñ aytuınşa, patriotizm, qoğamğa qızmet etu jäne igilikti is – adamnıñ twlğalıq jäne ruhani damuınıñ joğarı deñgeyiniñ jarqın körinisi.

– Volonterlik qızmet reformalardı jüzege asıruda, jalpı  memleketimizdi jañğırtuda mañızdı röl atqaradı. YAğni, volonterler özderiniñ is-äreketimen asa mañızdı reformalardı jüzege asıruğa naqtı üles qosadı. Eñbekqorlıq, älemge aşıqtıq arqılı biz ozıq tehnologiyağa jäne joğarı eñbek önimdiligine negizdelgen jaña ekonomika qwra alamız. Volonterlik ideyasın belsendi ilgeriletu otandastarımızdıñ oy-sanasınıñ jaña paradigmasın jañğırtuğa ıqpal etetin boladı, – dep atap ötti Qazaqstan Prezidenti.

Qasım-Jomart Toqaev volonterler aldında söylegen sözinde belsendi wyımdardı atap ötti. Atap aytqanda ol qiın twrmıstıq jağdayğa tap bolğan adamdarğa kömek qolın sozuğa dayın mıñdağan belsendileri bar wlttıq eriktiler jelisiniñ, «Lider.kz», «Best for kids», elordalıq «28 petel'» klubı men «Qamqorşılar klubınıñ» jwmısına joğarı bağa berdi.

– Qazaqstanda volonterliktiñ birte-birte jalpıwlttıq sipatqa ie bolıp kele jatqanın körip otırmız. Bwl üderis Volonter jılında atqarılatın is-şaralardıñ arqasında azamattarımızdı odan äri biriktire tüsetinine senimdimin. Igi ister bizdiñ mädeni biregeyligimizdiñ ajıramas böligine aynaldı. Elimizde 200-den astam volonterlik wyım bar. Onda 50 mıñnan astam eriktiler jwmıs isteydi, – dedi Memleket basşısı.

Qasım-Jomart Toqaev Qazaqstan azamattarın jahandıq jäne aymaqtıq mäselelerdi şeşetin halıqaralıq volonterlik bastamalarğa belsendi türde tartudı wsındı.

– Qazaqstan 116 eldiñ 20 millionnan astam eriktilerin biriktiretin Düniejüzilik ekologiyalıq «World Clean up day» nauqanına qosıluğa dayın. Otandastarımızdıñ BWW, YUNISEF, AIESEC wyımdarınıñ eriktilik bağdarlamalarına jäne basqa da halıqaralıq bastamalarğa atsalısuı ärtürli memleketterdiñ täjiribesimen tanısuğa jäne elimizge üzdik volonterlik täjiribeni tartuğa mümkindik beredi, – dedi Prezident.

Prezidenttiñ pikirinşe, memleket volonterliktiñ infraqwrılımın qalıptastıruğa qoldau körsetui tiis. Onıñ işinde,  aymaqtıq front-ofister barlıq eriktilerge öz ideyaların nemese naqtı volonterlik jobaların iske asıruğa kömektesui qajet.

– Volonter jılı – kezekti nauqan emes. Osını halıqqa tüsindiruimiz kerek. Eriktilik – el üşin, qoğam üşin adal qızmet. Volonterlik halqımızdıñ ömir saltına aynaluı kerek. Onı täuelsiz Qazaqstannıñ bügingi jäne bolaşaq sipatı retinde däripteuimiz qajet. Eriktilerdiñ boyındağı qayrat-jiger är azamattı ıntalandıruı tiis. Elimizdegi är auıl-aymaq osı mañızdı jwmıstan tıs qalmaydı dep senemin, – dedi Memleket basşısı.

İs-şara soñında Qazaqstan Prezidentine «Birgemiz: Asyl mura», «Birgemiz: Bilim», «Birgemiz: Saýlyq», «Birgemiz: Sabaqtastyq», «Birgemiz: Taza Álem», «Birgemiz: Úmit» sekildi jobalar tanıstırıldı.

Abai.kz

2 pikir