Belorussiya Preziydenti Aleksandr Lukashenko el Ýkimetine Qazaqstannan múnay tasymaldau jóninde kelissózder jýrgizudi tapsyrdy. Búl turaly Belorusi preziydentining saytynda jazylghan:

- Memleket basshysynyng «№27 ókimimen ýkimetke Qazaqstannan Belorusiyagha múnay jәne múnay ónimderin jetkizu jónindegi sauda-ekonomikalyq yntymaqtastyq, sonday-aq, kelisim jobasy men maqúldanghan joba ayasynda kelisimge qol qoy turaly kelissózder jýrgizuge uәkilettik berdi, - delingen habarlamada.

Ayta keteyik, ótken aptada Belorussiya Preziydenti Qazaqstannan múnay tasymaldaugha Resey rúqsat bermey otyrghany turaly mәlimdegen.

- Eger Resey kelisetin bolsa, Qazaqstan bizge múnay jetkizui mýmkin. Qyzyq... Bizding odaqtasymyz basqa odaqtasymyzdan múnay tasymaldaugha kelisim bermey otyr. Múnay jetkizuge baylanysty jaghday osynday. Jәne biz búl mәseleni sheshuimiz kerek, - dedi belarus basshysy.

Al, 2019 jyldyng 31 jeltoqsanynda Belorussiya men Resey basshylary telefon arqyly múnay mәselesin talqylaghan. Alayda, taraptar ortaq kelisimge kele almaghandaryn mәlimdegen.

2020 jyldyng 1 qantarynda Resey Belorussiyagha múnay eksporttaudy toqtatty. Sol kýni Belorussiya Resey múnayyna shekteu qoyghan.
Odan son, Belorussiya Reseymen kelissózderdi toqtatyp, orys múnayyna balama tabudy tapsyrdy.

Belorussiyanyng viyse-premieri Dmitriy Krutoy Ukrainadan, Polishadan, Baltyq elderinen, Qazaqstan men Ázirbayjannan múnay jetkizu mәselesin talqylap jatqanyn habarlady. Keyin Belarussiya norveg múnayynyng 80 myng tonnasyn satyp alghany turaly aqpar taraghan..

Aleksandr Lukashenko orys múnayyn satyp alu boyynsha Reseymen kelisimge kele almaudyng basty sebebi - Reseyding óte qymbat bagha úsynyp otyruy degen.

Al, 15 qantar kýni  QR Energetika ministrligi Belorussiyanyng "Belneftehiym" konserni múnay jetkizu boyynsha súranys jibergenin habarlaghan.

- Bizge "Belneftehimnin" ótinishi kelip týsti. Atalmysh vedomstvonyng ókilderi múnay jetkizu mәselesi boyynsha bizge kelmekshi. Belorussiyanyng súranysyn da qarastyratyn bolamyz, dedi ministr Núrlan Noghaev.

Byltyr Belorussiya basshysy Reseyden lastanghan múnay kelip jatqanyn aityp dabyl qaqty. Qúny 2,5 milliard dollardy qúraytyn, 37 million barreli múnaydyng lastanghanyn aitty. Qúbyr Reseydiki. Belorussiya Reseyden sol ýshin ótemaqy súrady. Mәskeu moyyndady. Osynyng bәrin egjey-tegjeyli saraptaghan Aleksandr Lukashenko endi múnaydy qazaqtan satyp alghysy keletinin aitqan. Qazaqtan múnay satyp alu Lukashenkonyng qalauy. Bizdikiler de búghan ketәri emes. Qúday bergen múnay bar. Satyp alsan, minekey degeli túr. Qazaqstan da, Belorussiya da, Resey de ekonomikalyq odaqty qúrushy elder. Odaq ayasynda bir-birine tauar satugha qúqyly elder. Sóite túra Kremli kónbestik kórsetti. Odaq ortaq bola túra satylatyn múnay ýshin de Kremlidegi kijireygenderding qas-qabaghyna qaraymyz...

Belorussiya basshysy qazaqtan múnay alu ýshin kelissózder jýrgizudi óz Ýkimetine tapsyrypty. Baghasyna kelisse, bizdikiler de ketәri emes qoy. Tek búghan Resey ne der eken degen sóz erteng aitalyry taghy anyq...Maqúl. Ázirshe aqparat...

Abai.kz