Senbi, 15 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
46 - söz 1548 14 pikir 21 Qañtar, 2020 sağat 14:28

Elimizdegi barlıq ekonomikalıq reformalar Reseyden köşirilgen

Economic Analysis of Russia

Syuzan Linz esimdi professordiñ Resey ekonomikası jaylı lekciyasın tıñdap otırıp, Qazaqstan oyıma kele berdi. Elimizdegi barlıq derlik ekonomikalıq reformalar men bağdarlar Reseyden köşirilgen eken. Qazaqstan-2050, Üzdik 50, sosın 30 el qatarına kiru degen siyaqtı ambiciyalar (Putin bilikke kelgen jıldarı 10 jıl işinde Reseydi 20 damığan el qatarına kirgizudi josparlağan eken), şağın jäne orta biznesti damıtu, kedeylikti azaytıp, jwmısssızdıqtı joyuğa bağıttalğan barlıq ekonometriyalıq esepterdiñ barlığı orıstardan köşirilipti.

MSU professorınıñ aytuınşa, Reseydiñ qazirgi ekonomikalıq jürisi 2000-jıldardıñ basında tiimsiz ekendigi belgili bolğan eken. Biraq sonda da eş özgertilmepti. Sebebi ol OLIGARH-tarğa tiimdi. Olardıñ monopoliyalıq biznesine tiimdi eken.

Al Reseydiñ qazirgi didjital tranformaciyası, köleñkedegi ekonomikamen küres, beyresmi jwmıspen qamtudı joyu sındı bağıttarı da Qazaqstanda jürip jatır. Tipti damu bağıtındağı kriptovalyutanı damıtuğa tırısuı da Qazaqstandağı AIFC töñireginde sayd effekt berip jatır.

Qazaqstanda osıdan 4 jıl bwrın jwmıssızdar sanın anıqtau ädisin özgergeni esteriñizde bolar. Mısalı, siz aldımen jwmıs babımen birjağa kelesiz. Sosın ortalıq mamandarı sizge kelesi 10 kün işinde jwmıs tabuğa tırısadı. Al siz är üş kün sayın jwmıs izdep jatqanıñızdı körsetu üşin ortalıqqa kelip, tirkeudi jañartıp otıruıñız kerek (Birinşiden eşkim birjağa barıp, jwmıs swramaydı. Sosın är üş kün sayın eşkim barıp, tirkeuin jañartpaydı). Eger kelmeseñiz, sizdi jwmıssız dep sanamaydı. Osılay ükimet Qazaqstandağı jwmıssızdar körsetkişin azaytıp jür. Bwl Resey ükimetindegi ekonomisterden köşirilgen eken.

Jalpı Qazaqstan ekonomikasın, makroekonomika jäne mikroekonomikanıñ ne ekenin wğınu üşin osı semestrde "Economic Analysis of Russia" sabağına jazıldım. Bwl magistrlik deñgeydegi sabaq bolğanı üşin jäne men Ekonomika fakul'tetinen bolmağanım üşin rwqsat alu qiındau boldı. "Ekonomika taqırıbında birqatar maqala jazdım, orıs til biluim meni Resey men TMD elderinniñ ekonomikasına analiz jasauğa bir taban jaqındatadı" dep äreñ prerekvizitterdi aldırdım.

Eger qızıq körseñizder, är lekciyanı qısqa-qısqa osında jazıp twramın. Sizdiñ oyıñızşa, Qazaqstan men Resey ekonomikası arasında men keltirgen wqsastıqtardan basqa, tağı qanday birıñğay köşirmeler bar?

Joldas Örisbaydıñ äleumettik jelidegi jazbasınan

Abai.kz

14 pikir