Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Anıq-qanığı 2669 7 pikir 18 Qañtar, 2020 sağat 15:02

Bolat Baqauov ne üşin qamaldı?

Pavlodardıñ mamandandırılğan tergeu sotı küdikti retinde wstalğan oblıs äkimi Bolat Baqauovtı 2 ayğa qamau turalı şeşim qabıldadı.

Sot processi kezinde prokuror oblıs äkimi Bolat Baqauovtıñ QR Qılmıstıq kodeksiniñ 362 babı, 4 tarmağı, 3 böligi boyınşa, yağni, «öziniñ jeke bas paydası nemese basqa jeke twlğanıñ, wyımnıñ paydası üşin qızmettik mansabın nemese bilik qwzıretin paydalanu» boyınşa küdikti dep tanılğanın ayttı.

Zañda bwl bap boyınşa, 5 jıldan 10 jılğa deyin bas bostandığınan ayıru, dünie mülkin tärkileu, ömir boyı belgili bir qızmetke tağayındalu nemese belgili bir qızmetpen aynalısu qwqınan ayıru jazası közdelgen.

Baqauov 2 ayğa qamaldı

Memlekettik ayıptau küdikti Baqauovtı 2 ayğa, yağni 2020 jıldıñ 16 naurızına deyin qamauda wstaudı swradı. Prokuror öz talabında, küdikti Baqauov bostandıqta jürip, tergeu processiniñ ob'ektivti ötuine kedergi keltirui mümkin ekendigin aytıp, uäj keltirgen.

Al Baqauov bolsa, özine tağılıp otırğan ayıppen kelispeytinin aytqan. Pavlodar obılısınıñ äkimi özine qatıstı sottan kepilaqı töleu arqılı üyqamaqqa jiberuin swrağan. Tipti, sotqa qatısqan äkimniñ eki qorğauşısı äkimniñ tuıstarınıñ 1 million teñge köleminde kepilaqı tölegeni turalı qwjattı körsetip, onı is materialdarına tirkeudi swrağan.

İsti Pavlodar tergeu sotınıñ sud'yası Baltabek Dünbekbaev qarap, äkim Bolat Baqauovtı 2 ayğa qamau turalı sankciya qabıldadı.

Bolat Baqauov ne üşin qamaldı?

Sot processi kezinde Baqauov isi turalı egjey-tegjeyli bayandaldı. Bwl turalı «Tengrinews.kz» saytı jazdı.

Prokuror Rustam Sadvakasovtıñ aytuınşa, 2019 jıldıñ qırküyeginde Pavlodar oblıstıq Memlekettik kirister departamenti «AksuTransLogistic» JŞS-de salıqqa qatıstı keşendi tekseris jürgizgen. Al jañağı «AksuTransLogistic» JŞS-niñ jalğız qwrıltayşısı oblıs äkimi Bolat Baqauovtıñ tuısı Baqauov R.D. deytin adam bolğan.

Salıqşılar JŞS-niñ 2014 jıldıñ 1 qañtarı men 2018 jıldıñ 31 jeltoqsanı aralığındağı byudjetke tölenetin salıqtı uaqıtılı töleuin, korporativtik, äleumettik, QQS jäne basqa da mindetti byudjettik tölemderdiñ dwrıs jürgiziluin teksergen.

«Jauaptı memlekettik qızmetker bola twra Pavlodar oblısınıñ äkimi Baqauov «AksuTransLogistic» JŞS-degi tekseris turalı bilip, atalmış käsiporın men öziniñ tuısı bolıp keletin Baqauov R.D.-ğa kesir tigizbeu üşin, özine berilgen qwqıqtı asıra paydalanıp, Pavlodar oblıstıq MKD-niñ jauaptı twlğalarına atalğan käsiporındağı tekseris turalı, onıñ qorıtındısı turalı aqparattı jetkizuge tapsırma beredi», dedi prokuror.

Memlekettik ayıptaudıñ aytuınşa, 2019 jıldıñ jeltoqsanında oblıs äkimine  JŞS-ni tekseru kezinde salıqtıq zañnamalardıñ bwzılğanı anıqtalıp, 200 million teñgeden asa salıqtıñ alınuı men salıq töleuden maqsattı türde bwltarğanına qatıstı sotqa deyingi tergeudiñ bastalğanı turalı aqparat jetedi.

«Bolat Baqauov «AksuTransLogistic» JŞS-niñ iesi bolıp tabılatın öz tuısınıñ müddesi üşin, yağni, basqa jeke twlğanıñ paydası üşin birneşe märte zañsız türde özine berilgen qwqıq pen qwzıretti asıra paydalanıp, Pavlodar oblıstıq MKD-niñ jauaptı twlğalarınan şınayı qorıtındını jasırıp, artıq alınğan somanı 3-5 million teñgege deyin azaytıp körsetudi talap etken», dedi Memlekettik ayıptauşı.

Ayta keteyik, Pavlodar oblısınıñ äkimi Bolat Baqauovqa qatıstı qızmet babın asıra paydalanu faktisi boyınşa ayıp tağılıp, is tirkelgen. Sol boyınşa qazir tergeu jwmıstarı jürgizilude. Bwl turalı QR WQK mälimdegen.

«Wlttıq qauipsizdik komiteti 2020 jılğı 15 qañtarda Pavlodar oblısınıñ äkimi B. Baqauovqa qatıstı lauazımdıq uäkilettilikterin asıra paydalanu faktisi boyınşa QR QK 362-babı 2-bölimi 3-tarmağı boyınşa tirkelgen qılmıstıq iske säykes jedel-tergeu is-şaraların jürgizdi. Qazirgi uaqıtta tergeu amaldarı jalğasuda. Osı kezeñde tolıq derekter tergeu müddesinde jariyalauğa jatpaydı»,- delingen vedomstvo habarlamasında.

Bolat Baqauov kim?

Ol 2016 jıldıñ naurız ayında Pavlodar oblısınıñ äkimi bolıp tağayındalğan. 12 jıl äkim bolğan.

Bolat Baqauov 1971 jılı Pavlodar oblısınıñ Jelezin audanına qarastı Novokuz'minka auılında tuğan.

Bilimi

Qazaq qwqıqtanu jäne halıqaralıq qatınastar institutın (2003) "Zañ ğılımdarı" mamandığı boyınşa, Halıqaralıq biznes, ekonomika jäne käsiporındardı basqaru akademiyasın (2005) bitirgen.

Qızmeti

2008-2011 jıldar aralığında Pavlodar oblısı, Tereñköl audanınıñ äkimi,

2011-2014 jıldar aralığında  Aqsu qalasınıñ äkimi,

2014-2016 jıldar aralığında Pavlodar qalasınıñ äkimi,

2016 jıldıñ 25 naurızınan beri Pavlodar oblısınıñ äkimi qızmetin atqarıp keledi.

Ataqtarı

Hobbii - añşılıq. 2018 jılğı aqparat boyınşa jalaqısı - 744 mıñ teñge.

2002 jılı - "Eren eñbegi üşin" medalimen,

2011 jılı "QR Täuelsizdigine 20 jıl" medalimen,

2012 jılı "Oblısqa siñirgen eñbegi üşin" tösbelgisimen,

2015 jılı "Qwrmet" ordenimen,

2016 jılı "QR Täuelsizdigine 25 jıl" medalimen marapattalğan.

Äkim portreti

Bolat Baqauovtıñ qızmeti men qwzıretine qatıstı baspasözde sın az emes. Al bıltırğı jıldıñ soñında onıñ portreti qayırımdılıq aukcionında satılğanı beynelengen video äleumettik jelige tarap, jwrt qızu talqı jasağan. Beynejazbada keş jürgizuşileri - belgili äzilkeşter, Twrsınbek Qabatov pen YAroslav Melehin äkim Bolat Baqauovtıñ portretin aukcionda oynatıp jatqanı körsetilgen. Äkim portretiniñ qwnı 31 million teñgege deyin bağalanğan. Bwl ärine, jwrttıñ aşuın tuğızğan.

Sol kezde Pavlodar oblısı äkimdiginiñ baspasöz hatşısı Ernar Saytahmet BAQ-qa pikir bildirip, äkim portretiniñ qwnı äleumettik jelide aytılğan bağadan äldeqayda arzan ekenin, bar bolğanı 700 mıñ teñgege satılğanın aytqan.

;feature=emb_title

Abai.kz

7 pikir