Düysenbi, 25 Mamır 2020
COVID-19 QAZAQSTANDA. Jwqtırğandar — 8531. Jazılğandar — 4506. Qaytıs bolğandar — 35
Äleumet 2930 19 pikir 30 Jeltoqsan, 2019 sağat 09:45

Qandastarıñızdı baspanasız tastamañız...

Qazaqstan  Respublikasınıñ
Prezidenti Q.K.Toqaevqa

Asa qwrmetti Qasım-Jomart Kemelwlı!

Qoldanıstağı «Twrğın üy qatınastarı turalı» Qazaqstan Respublikasınıñ 1997 jılğı 16 säuirdegi N94 Zañınıñ 68-babında «Halıqtıñ äleumettik jağınan osal toptarına jatatın azamattardıñ» tizbesi körsetilgen. Sonıñ jetinşisi – oralmandar;

Al, 74-babınıñ 2 tarmağında «Audannıñ, oblıstıq mañızı bar qalanıñ, respublikalıq mañızı bar qalanıñ, astananıñ jergilikti atqaruşı organdarı kommunaldıq twrğın üy qorınan twrğınjayğa nemese jeke twrğın üy qorınan jergilikti atqaruşı organ jaldağan twrğınjayğa mwqtaj mınaday adamdar esebiniñ bölek tizimderin jürgizedi:» dey kelip, sol baptıñ 4) tarmaqşasında «osı Zañnıñ 68-babınıñ 1-1) – 5), 7), 8), 10) jäne 11) tarmaqşalarında atalğan halıqtıñ äleumettik jağınan älsiz toptarı;» dep jazılğan.

Demek, «Oralman» märtebin alğan ağayındar halıqtıñ äleumettik jağınan älsiz toptarı sanatımen twrğınjayğa mwqtaj adamdar qatarında Zañ boyınşa baspana kezegine twruğa qwqığı bar degen söz.

Bwl – öz kezeginde, Ükimetimizdiñ köşi-qon sayasatın şın mänindegi qoldağandığınıñ, alıstan oralğan ağayınğa degen şınay qamqorlığınıñ belgisi dep bağalaymın! 

Zañ boyınşa, baspana kezegine tirkelu üşin, qandastar twraqtı tirkeuge twrğan mekenjayda keminde üş jıl twruı kerek.

«Halıqtıñ köşi-qonı turalı» zañınıñ 25-babında «oralman märtebesin alğan künnen bastap bir jıl ötkennen keyin toqtatıladı» dep jazılğandıqtan, bir mekenjayda üş jıl «Oralman» bolıp twru mümkin emes jäne ol azamat Qazaqstan Respulikasınıñ azamattığın alğan soñ, «Oralman» märtebesi joyılıp, twrğın üy kezeginen şığarılıp tastaladı.

Osı mäseleni közde wstay otırıp, Mäjiliste talqılanıp jatqan «Qazaqstan Respublikasınıñ keybir zañnamalıq aktilerine halıqtıñ jwmıspen qamtıluı jäne köş-qon mäseleleri boyınşa özgerister men tolıqtırular engizu turalı»  Qazaqstan Respublikası Zañınıñ jobası qatarında «Twrğın üy qatınastarı turalı» zañınıñ 68-babına «Eskertpe: «Oralman» sanatımen baspana kezegine twrğan azamat Qazaqstan Respublikasınıñ azamattığın alğan jağdayda onıñ kezegi saqtaladı» degen eskertpe engizu turalı wsınıs bergemiz.

Atalğan wsınıstı deputat Käribay Imanjanwlı öz atınan Jwmıs tobınıñ talqısına salıp, 2019 jılğı 02 qazanda (№7-10-921) Ükimettiñ qortındısın aluğa jibergen bolatın.

Ökinişke oray, Ükimetten «Halıqtıñ köşi-qonı turalı» zañınıñ 67-babına silteme jasay otırıp, «Qazaqstan azamattarı martebesin alğan jane twrğın üyge mwqtaj oralmandar jalpı negizde bizdiñ basqa azamattarı'ızben birdey memlekettik twrğın üy qorınan twrğın üy aluğa ümitker bola aladı. osığan baylanıstı oralmandar üşin kezekti saqtau maselesin orınsız dep sanaymız» degen Ükimet bası Asqar Maminniñ qolı qoyılğan jauap (№7-10-1282) kelipti. Qısqası, bwl wsınıs Ükimetten qoldau tappadı.

Sonda zañda körsetilgen şarpen baspana kezegine twrğan qandastarımızdıñ bir jıldan soñ nemese Qazaqstan Respublikasınıñ azamattığın alğan jağdayda, onıñ «Oralman» märtebesi joyılıp, «Halıqtıñ äleumettik jağınan osal toptarı» nemese «Mwqtajdar esebinde twratın azamattar» sanatınan şığıp qalatının Ükimettiñ  tüsinbegeni me, joq tüsingisi kelmegneni me?! 

Eger, «Twrğın üy qatınastarı turalı» zañınıñ atalğan baptarı Ükimet qortındısımen biz bergen wsınıspen tolıqtırılmasa, qandastarımız baspana kezegine twra almaydı jäne kezekten alınıp tastalıp otıradı. Sonda, «Zañdağı jwrttı aldausıratatın, äurege salatın jäne birine-biri qayşı mwnday normanıñ ne qajeti bar?!!» degen zañdı swraq tuadı...

Asa qwrmetti Qasım-Jomart Kemelwlı!

Men QR Prezidenti janındağı Wlttıq qoğamdıq senim keñesiniñ müşesi retinde Sizden qandastarımızdıñ «Halıqtıñ äleumettik jağınan osal toptarı» nemese «Mwqtajdar esebinde twratın azamattar» sanatımen baspana kezegine twruı jäne belgilengen tärtippen baspanalı boluı üşin,  osı mäseleni oñtalı şeşuge ıqpal etuiñizdi swraymın.

Qwrmetpen,

Auıt Mwqibek
Aqın,
QR Prezidenti janındağı
Wlttıq qoğamdıq senim keñesiniñ müşesi 

Abai.kz

19 pikir