Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
Äleumet 2518 2 pikir 25 Jeltoqsan, 2019 sağat 10:50

«Pedagog märtebesi turalı» zañ jobası 21 baptan twradı

Parlament Senatı Äleumettik-mädeni damu jäne ğılım komitetiniñ keñeytilgen otırısında «Pedagog märtebesi turalı» zañ jobası qaraldı.

Zañ jobası Qazaqstan Rerspublikasınıñ Twñğış Prezidenti – Elbası N.Nazarbaevtıñ Qazaqstan halqına Joldauın jüzege asıru ayasında äzirlengen bolatın. Ol pedagogtardıñ qwqıqtarın keñeytuge, olardı özine tän emes qızmetten bosatuğa, jüktemeni azaytuğa, mwğalim mamandığına qoyılatın talaptardı küşeytuge bağıttalğan äri jwmıs isteytin mwğalimderdiñ materialdıq twrğıda ıntalandıru tetikterin, sonday-aq jastardı pedagog mamandığına tartu mäselelerin qarastıradı.  

Bwl zañ jobası 21 baptan twradı, onıñ erejeleri mektepke deyingi, orta, tehnikalıq jäne käsiptik, orta bilimnen keyingi bilim beru, mamandandırılğan, arnaulı bilim beru wyımdarında, jetim balalar men ata-ana qamqorlığınsız qalğan balalarğa arnalğan qosımşa bilim beru wyımdarınıñ pedagog qızmetkerleriniñ jwmısına qoldanıladı.

Zañ jobasında pedagogtıñ käsibi qızmetin jüzege asıruğa arnalğan şarttardı eñbek zañnamasına säykes jwmıs beruşi qamtamasız etetini turalı ereje bekitiledi.

Bwl rette elimizdiñ zañdarında közdelgen jağdaylardı qospağanda, onı käsiptik mindetterge baylanıstı emes jwmıs türlerine tartuğa; odan bilim beru salasındağı zañnamada közdelmegen esep-qisaptı ne aqparattı talap etuge; elimizdiñ zañdarında közdelmegen tekserulerdi jürgizuge; oğan tauarlar men körsetiletin qızmetterdi satıp alu jönindegi mindet jükteuge tıyım salu arqılı pedagog jüktemesin qısqartu; memlekettik orta bilim beru wyımdarınıñ pedagogtarın olardıñ käsibi qızmetin jüzege asıru kezinde memlekettik emes wyımdardıñ şaraların ötkizuge tartu jönindegi erejeler naqtı belgilengen.

Pedagogterdiñ qwqıqtarın keñeytu maqsatında olardıñ qwqıqtarı üş bağıt boyınşa: käsibi qızmetti jüzege asıru kezindegi pedagogtıñ qwqıqtarı; pedagogtıñ materialdıq qamtamasız etu qwqığı; pedagogtıñ kötermeleu qwqığı jazılğan jäne jeke baptarda körsetilgen. 

Zañ jobasınıñ erejelerinde pedagogtarğa äleumettik kepildikter, onıñ işinde: wzaqtığı 56 küntizbelik kün tölenetin jıl sayınğı eñbek demalısı; twrğılıqtı jeri boyınşa mektepke deyingi wyımdarda pedagogtardıñ balalarına jergilikti atqaruşı organdardıñ birinşi kezekte orın berui belgilengen.

Senatorlar sonday-aq «Qazaqstan Respublikasınıñ keybir zañnamalıq aktilerine pedagog märtebesi, oquşı men mwğalimge jüktemeni tömendetu mäseleleri boyınşa özgerister men tolıqtırular engizu turalı» zañ jobasın qaradı. 

Zañ jobasımen birqatar zañnamalıq aktilerge özgerister men tolıqtırular engiziledi. Negizgi tüzetuler elimizdiñ «Bilim turalı» zañına engizildi. 

Bilim beru salasındağı uäkiletti organnıñ qwzıreti - orta, tehnikalıq jäne käsiptik, orta bilimnen keyingi bilim beru wyımdarı pedagogtar jürgizetin mindetti qwjattardıñ tizbesin jäne olardıñ nısandarın äzirleu jäne bekitu jönindegi jaña ökilettiktermen tolıqtırıladı. 

Zañ jobasımen joğarı jäne (nemese) joğarı oqu ornınan keyingi bilim berudiñ jekelegen memlekettik wyımdarınıñ birinşi basşıların qızmetke tağayındau jäne qızmetten bosatu tärtibine, attestattaudan ötu tärtibine qatıstı özgerister engiziledi. 

Joğarı jäne (nemese) joğarı oqu ornınan keyingi bilim beru wyımdarında käsiptik qızmetti jüzege asıratın, käsiptik qızmetti jüzege asıru üşin jağdaylardı, onıñ işinde qwqıqtardı, mindetterdi jäne äleumettik kepildikterdi qamtamasız etetin pedagog märtebesi turalı erejeler saqtaladı.  

Senatorlar pedagogikalıq kadrlardı dayarlau, sauıqtıru maqsattarına tölemderdi arttıru, auıldıq jäne qala mwğalimderi üşin äleumettik jeñildikterdi teñestiru jäne tağı basqa mäselelerdi köterdi.

Zañ jobaları Palatanıñ qarauına berildi.

Abai.kz

2 pikir