Senbi, 11 Şilde 2020
COVID-19 QAZAQSTANDA. Jwqtırğandar — 56455. Jazılğandar — 32500. Qaytıs bolğandar — 264
Aymaq 2477 4 pikir 13 Jeltoqsan, 2019 sağat 10:55

Bayqoñırdağı jerdiñ biraz böligi keri qaytarıladı

12 jeltoqsanda Qazaqstan senatı Resey jalğa alğan Bayqoñırdağı 11,6 mıñ gektar jerdi keri qaytaratın zañ jobasın qabıldadı. Qwjatqa säykes, Qazaqstan men Resey arasında 1994 jılı 10 jeltoqsanda qol qoyğan Bayqoñır keşenin jalğa alu turalı kelisimge özgeris engiziledi.

Zañ jobası barlıq deñgeyde talqılanğan, endi Qazaqstan prezidentine qol qoyuğa jiberiledi.

Auıl şaruaşılığı ministriniñ birinşi orınbasarı Aydarbek Saparovtıñ aytuınşa, tört jer telimi "arendadan" şığarılmaq. Onıñ aytuınşa, 1700 gektardan astam eki jer aumağı Qarmaqşı audanı Töretam auılın keñeytu üşin paydalanıladı. 10 mıñ gektarğa juıq jer "Batıs Europa - Batıs Qıtay" halıqaralıq dälizi (4830 şaqırım) men Almatı - Mäskeu temir jolı jäne "Beyneu - Şımkent" (5120 şaqırım) gaz qwbırı jobası üşin paydalanılmaq.

Aydarbek Saparovtıñ sözine qarağanda, Reseyge jalpı 650 mıñ gektar jer jalğa berilgen. 12 mıñ gektar jer jaldan şığarılsa da, jalğa alu qwnı - 118 million dollar özgermeydi.

Resey Qazaqstanğa tiesili Bayqoñırdı 1994 jıldan bastap, 2050 jılğa deyin jalğa alğan. Bayqoñır qalasında 77 mıñnan astam adam twradı. Jergilikti BAQ-tıñ jazuınşa, 60 payızı - Qazaqstan azamatı, şamamen 37 payızı - Resey azamatı. Bayqoñır qalası basşısı Resey jäne Qazaqstan prezidentteriniñ jarlığımen tağayındaladı.

Abai.kz

4 pikir