Senbi, 4 Säuir 2020
COVID-19 QAZAQSTANDA. Jwqtırğandar — 464. Jazılğandar — 29. Qaytıs bolğandar — 3
46 - söz 2119 1 pikir 12 Jeltoqsan, 2019 sağat 10:38

Älkey Marğwlannıñ Swltanmahmwt turalı esteligi

Älkey Marğwlannıñ esteliginen:

Swltanmahmwt eş uaqıtta da öz aytqanınan basqağa köngisi kelmeytin. Men bala kezimde Swltanmahmwttı eki ret jolıqtırdım. Wzın boylı, qwbaşa jigit edi.

Bir jılı jaz küni, men äli küni wmıtqanım joq, meniñ auıl mektebinde oqıp jürgen bala künim edi, Mahmwttı köruge bir körşiles auılğa bardım. Onda Mahmwttıñ menimen isi joq, tek jinalğan halıqtıñ aldında imperialist soğıs jayında olarğa äñgime aytıp otırğanın kördim. Bir uaqıtta Mahmwt pen biz qaraytın eldiñ bolısı öziniñ şabarmanınan hat jiberip, "bizdiñ üyge kelip, qala jayınan äñgime aytsın" dep Mahmwttı şaqırtıptı. Mahmwt hattı oqıp bolğan soñ, bolıstıñ şabarmanına aşulanıp qaradı da:

-Men Poştay auılına barıp sauın aytatın şapqınşı emespin, äñgime izdegen kisi özi keler! — dedi.

Mahmwttıñ bwl siyaqtı erkin sözi ol kezde jat bolatın. Mahmwttı tıñdap otırğan jwrt quanarın da, qorqarın da bilmedi. Biraq esikten şığıp bara jatqan bolıstıñ şabarmanı öziniñ ädetinşe:

-Şoqpıttıñ balası, bwl da kisi bolğan eken! — dedi.

Mahmwttı eñ soñğı ret 1919 jılı kördim. Onda Mahmwt aurudan äbden arıqtap jüdegen. Men ol kezde aşıq eş närseni ayırmaytınmın. Oquğa tüse almay, Kerekude Mäşhür-Jüsiptiñ Ämen degen balasınıñ üyinde jatır edim.

Bir küni Swltanmahmwt keldi. Ämenmen söylesip otır:

-Ümit degen närse qaşan da bolsa adamnıñ serigi ğoy, men auruımdı jazıp, sendermen birge qızmet istegim keledi, — dedi…

1940 jıl, 22 may.

Äset Aqmoldanıñ äleumettik jelidegi paraqşasınan

Abai.kz

1 pikir