Düysenbi, 21 Qırküyek 2020
COVID-19 QAZAQSTANDA. Jwqtırğandar — 107262. Jazılğandar — 101877. Qaytıs bolğandar — 1671
850 1 pikir 3 Jeltoqsan, 2019 sağat 06:41

Däuren Abaev: «Älem barısı» qazaq küresin Olimpiada oyındarına qosu jolındağı auqımdı jobalardıñ biregeyi

«Älem barısı» qazaq küresin Olimpiada oyındarına qosu jolındağı auqımdı jobalardıñ biregeyi. Bwl turalı Qazaq küresinen absolyuttik «Älem barısı» älem çempionatınıñ aşılu saltanatında QR Aqparat jäne qoğamdıq damu ministri Däuren Abaev ayttı.

«Bügingi jalauın köterip otırğan «Älem barısı» absolyuttik älem çempionatına qoş keldiñizder! «Älem barısı» qazaq küresin nasihattauda özindik ornı bar mañızdı şara. Çempionatın halıqaralıq deñgeyde öziniñ joğarı bağasın aldı. Oğan qosa bwl şara wlttıq önerimiz - qazaq küresin Olimpiada oyındarına qosu jolındağı auqımdı jobalardıñ biregeyi. QR Twñğış Prezidentiniñ künine oray wyımdastırılğan dübirli doda mädeni mwramızdı damıtuğa, qazaq küresin odan arı jetildirip, halıqaralıq deñgeyde nasihattauğa, qazaq küresinen «Älem barısın» anıqtauğa arnaladı», - dedi Däuren Abaev.

Sonımen qatar ministr wlttıq küresten osınday keremet dobasın wyımdastırıp otırğan Almatı qalasınıñ äkimdigine, QR Mädeniet jäne sport ministrligine şınayı rizaşılığın bildirdi.

Sonımen qatar çempionattıñ aşılu saltanatında Olimpiada çempionı Jaqsılıq Üşkempirov söz söylep, baluandarğa sättilik tiledi.

Ayta keteyik, törtinşi ret ötetin bäsekege 30 elden 33 baluan qatısadı.

«Älem barısı» atanuğa AQŞ, Australiya, Äzerbayjan, Braziliya, Grekiya, Gruziya, Ündistan, Iran, Ispaniya, Italiya, Kamerun, Kongo, Koreya, Kuba, Qırğızstan, Litva, Moñğoliya, Niderlandı, Päkistan, Pol'şa, Resey, Sloveniya,Täjikstan, Türikmenstan, Türkiya, Özbekstan, Ukraina, Estoniya, YAponiya sekildi elderdiñ jäne Qazaqstannıñ ataqtı baluandarı kelgen. Bwl sında elimizdiñ namısın A.Nwğımarov (ŞQO), R.Äbdirazaqov (Almatı qalası), M.Isağabılov (Qızılorda oblısı), N.Jarılğapov (Mañğıstau oblısı) sındı baluandar qorğaydı.

Abai.kz

1 pikir