Últtyq kompaniya ýstimizdegi jyldyng toghyz aiynda 1,162 trln tenge salyq tólepti. Ol byltyrghy jyldyng 9 aiymen salystyrghanda 11%-gha artyq. Búl turaly «QazMúnayGaz» ýsh toqsannyng qorytyndysy boyynsha esebinde habarlady.

Brent múnayyna baghanyng qúbylyp túruy jәne KMG International-dyng satu kólemining azangy saldarynan tabystyng bir bóliginen (1,9%) aiyrylu siyaqty syrtqy naryqtaghy kedergiler qaramastan, «QazMúnayGazdyn» qarjylyq jaghdayy túraqty. Gazdy Qytaygha eksporttau kólemining artuy jәne tengening әlsireuining arqasynda últtyq kompaniya esesin jibergen joq. Toghyz aidyng qorytyndysy boyynsha týsim 5,1 trln tengeni qúrady. Kompaniyanyng taza tabys – 800 mlrd tengege jaqyndap qaldy. Búl 2018 jyldyng toghyz aiymen salystyrghanda 22,5%-gha artyq.

Sonymen qatar, esepti kezenning manyzdy janalyqtarynyng biri retinde «QazMúnayGazdyn» Tenizshevroyl múnayyna avans beru shenberindegi mindettemelerin 1 846 mln. AQSh doll. somasynda merziminen búryn oryndaghany, sonyng ishinde 1 270 mln. AQSh doll. somasyn jedeldetip óteui turaly mәlimdeldi. Ayta keteyik, 2016 jyly últtyq kompaniya halyqaralyq treyderlermen Tenizshevroyldyng shiyki múnayy men súiytylghan gazyn jetkizip beru turaly úzaq merzimdi kelisimge otyrghan bolatyn.

Jalpy, «QazMúnayGazdyn» qarjylyq jaghdayy halyqaralyq reytingtik agenttikterding bayandamalarynda aiqyndalghan. Atap tayqanda, Fitch agenttigi últtyq kompaniyanyng reytingisin «VVV-/Boljam túraqty» dengeyinde rastady. Búl rette agenttik jeke reytingting (stand-alone credit profile) «b» dengeyinen «bb-» dengeyine deyin kóterilgenin atap ótti. Al Moody's halyqaralyq reyting agenttigi Qazaqstan ýkimeti tarapynan qoldaudy eseptemegende, derbes negizdegi «QazMúnayGazdyn» kredit qabilettiligi reytingin «Va3»-ten «Va2»-ge deyin kóterdi. QMG úzaq merzimdi reytingi «Túraqty» boljamynan «Pozitivti» boljamyna qayta qaralyp, «Vaa3» dengeyinde rastaldy.

Esepke sýiensek, últtyq kompaniyanyng adymy әzirge jaman emes. Qarjylyq jaghday túraqty, óndiristik kórsetkishter jospargha sәikes. Endi 2019 jyldy qanday nәtiyjemen ayaqtaytynyn kóre jatarmyz.

Abai.kz