Qazaqstanda mobildi qoldanbalar men veb-qyzmetterdi әzirleushiler, startap-toptar, shaghyn jәne orta biznes ókilderi men iri kompaniyalardyng ónim jasaushy toptaryna arnalghan ID Challenge bayqauy iske qosyldy. Ol 2019 jylghy 26 qarashadan 19 jeltoqsangha deyin ótedi. Jýlde qory — 1 mln. tenge jәne jasalghan ónimge marketingtik qoldau kórsetu. Bayqaudyng úiymdastyrushylary — BTS Digital, Finnovate jәne Digital ID.

Bayqau mindeti — IT-mamandar tobyn jinap, biometriyalyq sәikestendiru tehnologiyalary kómegimen biznes pen qoldanushylardyng mәselelerin sheshetin digital-ónim jasau. Ónimning maqsattary әrtýrli boluy mýmkin: súhbattas adamnyng túlghasyn tekseru, biylet rәsimdeu kezinde jeke derekterding avtomatty týrde toltyryluy, elektrondyq poshta arqyly qújattardyng kóshirmesin jibermesten onlayn satyp alu nemese qashyqtan sәikestendiru iydeyasyn órbitetin kez kelgen basqa maqsat.

Bayqaugha búghan deyin qúrylghan toptar nemese bir iydeyamen birikken birneshe adam qatysa alady. Top Qazaqstan aimaghynda nemese odan tys ornalasuy mýmkin. Biraq ónim QR túrghyndaryna baghyttaluy tiyis.

Basty shart — Digital ID tehnologiyasyn qoldanumen óz ónimin jasau. Digital ID — búl kliyentterdi qashyqtan sәikestendiruding Qazaqstanda jasalghan qyzmeti.

Bayqau qorytyndylary boyynsha ýsh jýldeger anyqtalady. Birinshi oryn ýshin qatysushylar 500 myng tenge, ekinshi jәne ýshinshi oryn ýshin sәikesinshe 300 myng jәne 200 myng tenge iyelenedi. Jalpy jýlde qory — 1 mln. tenge. Sonymen qatar, jenimpazdar Digital ID qyzmetin shekteusiz qoldanudyng jyldyq liysenziyasyna, jasalghan ónimderge BTS Digital jәne BTS Education tarapynan marketingtik qoldau, BTS Digital, BTS Education jәne Finnovate qyzmetkerleri tarapynan tәlimgerlikke, oghan qosa Product Mindset Meetup sharasynda is kórsetu mýmkindigine qol jetkizedi.

«Biometriyalyq sәikestendiru әlemdi baurap aluda jәne onlayndaghy qarym-qatynasty búdan da senimdirek etude. Biz búl trendti Qazaqstanda qoldaghymyz keledi. «60 sekund ishinde tanu» — bayqaugha biz osy úrandy tandadyq. Digital ID arqyly qoldanushygha alghashqy sәikestendirudi ótip, óz túlghasyn rastauyna jәne serikteske jeke derekterin beruine shashamen osynsha uaqyt qajet. Bayqauda qoldanushylargha shynymen paydaly bolatyn ónimderdi kóre alamyz degen senimdemin», — deydi ónim jetekshisi Vladimir Merkushev.

Bayqaugha qatysu kezeni ashyldy. Ótinishter 2019 jylghy 9 jeltoqsangha deyin qabyldanady.

Bayqau turaly tolyq aqparat jәne tirkelu ótinishi jobanyng saytynda berilgen.

Abai.kz