ال مۇعالىم ابىرويلى بولۋ ءۇشىن نە ىستەۋ كەرەك؟

بۇگىنگى جاڭالىق ەرتەڭ ەسكىرىپ، تەحنولوگيا جىلدام دامىپ جاتىر.
سوندىقتان ءومىر بويى ۇزدىكسىز ءبىلىم الاتىن زامان تۋدى. مۇعالىم ەرتەڭگى ساباققا دايىندالۋ بارىسىندا، ساباققا قاتىستى وقۋشىلار تاراپىنان قويىلۋى مۇمكىن ءتىپتى جاناما سۇراقتاردىڭ وزىنە دايىن بولۋى شارت.
مۇعالىمنىڭ ءبىر مىندەتى تاربيە بەرۋ ەكەنىن ەسكەرسەك، مۇعالىم ءوز ءپانى مەن پەداگوگيكادان وزگە ديالەكتيكا، مەتافيزيكا، فيلوسوفيا، پسيحولوگيا، ريتوريكا، سوتسيولوگيا جانە ت.ب. عىلىمداردى مەڭگەرگەن ينتەللەكتۋال بولۋعا مىندەتتى..

ماجبۇرلەپ جازىلعان گازەتپەن مۇعالىم ينتەللەكتۋال بولىپ كەتەدى دەگەن ويدان اۋلاق بولىڭىزدار.

كۇنتىزبەگە قاراڭىز.

قازىر 21-عاسىر - تەحنولوگيانىڭ دامىعان زامانى. ينتەرنەتتە ءبىلىم الاتىن رەسۋرستىڭ سان ءتۇرى تۇر. ەگەر گازەت-جۋرنالداردىڭ باسشىلارى وزدەرىنىڭ باسىلىمدارىنسىز مۇعالىمنىڭ ءبىلىم كوكجيەگى كەڭەيمەي، بىلىكتىلىگى كوتەرىلمەي قالاتىنىنا مۇعالىمدەردىڭ كوزىن جەتكىزە السا، مۇعالىم ماجبۇرلەمەي-اق جازىلار ەدى. سوندىقتان، باق باسشىلارىنىڭ مەنەدجمەنت پەن ماركەتينگتى وقىپ، ۇيرەنۋى - زامان تالابى..

باسىلىمىڭىزدىڭ اتى اكىمدىك مەكتەپكە جىبەرگەن رازناريادكادا تۇرعان كەزدە، "پاراساتتىلىق", "دەموكراتيا" ت.س.س. اڭگىمەلەر ايتۋ ارتىق بولار ەدى.

ال "سەنبىلىك" كوممۋنيستىك قوعامنان قالعان اناحرونيزم. ءاربىر ازامات ءوز اۋلاسىن، ءۇيىنىڭ ماڭايىن تازا ۇستاۋى ءتيىس.

ەگەر بەلگىلى ءبىر ەلدى مەكەندە سەنبىلىك جاساۋعا قاجەتتىلىك تۋسا، جەرگىلىكتى اكىمدىكتىڭ كوممۋنالدىق ءبولىمى جۇمىس ىستەمەيدى نەمەسە سوعان بولىنگەن قارجىنى تالان-تاراجعا سالدى دەگەن ءسوز.

ادامداردىڭ ەڭبەگىن تەگىن پايدالانۋ – كەڭەس زامانىنان قالعان!
قانقۇيلى بولشەۆيكتەردىڭ كوسەمى لەنيننىڭ بورەنە كوتەرگەن سۋرەتى ناسيحات قۇرالىنا اينالىپ، تۇرعىنداردى قاناۋ باستالدى. كەڭەس زامانىندا ءبىر ۇلكەن قۇرىلىس سالىنار الدىندا، قۇرىلىستىڭ جوبالىق-سمەتالىق ەسەپ قيسابى جاسالعان سوڭ، ەڭ الدىمەن «نەشە ادامدى سوتتاۋ كەرەك؟ – دەگەن ماسەلە قارالاتىن.

وكىنىشكە قاراي، بولشەۆيكتەردىڭ سول «مۇراسىنان» ءالى ارىلا الماي وتىرمىز. «سەنبىلىك» - دەپ ازاماتتاردىڭ پاتريوتتىق سەزىمدەرىنە اسەر ەتۋ، ەڭ الدىمەن ءوز جۇمىسىن دۇرىس ۇيىمداستىرا المايتىن اكىم-قارالار ءۇشىن قولايلى. قالا تازالىعى ءۇشىن سول قالاداعى كوممۋنالدىق قىزمەت جاۋاپ بەرۋى ءتيىس! سول ءۇشىن تالاي قىزمەتكەر جالاقى الىپ وتىر.

ال، مۇعالىمنىڭ نەگىزگى مىندەتى - بالا وقىتۋ!

ايتا كەتۋ كەرەك لەنين كوتەرگەن بورەنەنىڭ ەكىنشى باسىن ۇستاعاندار ءوز ومىرلەرىن گۋلاگ-تا اياقتادى.

ءومىر شىنىبەكۇلىنىڭ facebook پاراقشاسىنان

Abai.kz