بۇگىن وبلىس اكىمى ق.ىسقاقوۆ «عاسىر انا» نوميناتسيا يەگەرى 104 جاستاعى اۋىل تۇرعىنى ماحانبەتوۆا بالشاي باتىر انانى ماراپاتتاپ، ودان كەيىن  وبلىستىق اۋىل ايەلدەرى فورۋمىنا قاتىستى. فورۋم سىرداريا اۋدانىنىڭ ن.ءىلياسوۆ اتىنداعى اۋىلدا وتۋدە.

عاسىر كۋاگەرى بالشاي ماحانبەتوۆا 1916 جىلدىڭ 1 ماۋسىمىندا ارال قالاسىندا دۇنيەگە كەلگەن. قازىرگى ۋاقىتتا ن.ءىلياسوۆ اۋىلىندا تۇرادى. 4 قىز تاربيەلەپ وسىرگەن. سونداي-اق، 18 نەمەرە، 19 شوبەرە، 3 شوپشەگى بار. بالشاي ماحانبەتوۆا ەڭبەك جولىن 1962 جىلى كارل ماركس اۋىلىنداعى №132 تەلمان اتىنداعى مەكتەپتە ەدەن جۋشى، 1966 -1972 جىلدارى كارل ماركس اۋىلىندا جۇمىسشى بولىپ قىزمەت اتقارعان.1972 -1987 جىل ارالىعىندا قازسسر-ءدىڭ 50 جىلدىعى اۋىلىندا ساۋدا دۇكەنىندە كۇزەتشى بولعان. 1987 جىلدان باستاپ زەينەتكەرلىككە شىققان. 

ايماق باسشىسى عاسىر جاساعان انامەن سۇقباتتاسىپ، باتاسىن الدى. ارى قاراي وبلىس اكىمى قۋانىشبەك ىسقاقوۆ اۋىل ايەلەدەرىنىڭ فورۋمىنا قاتىستى. 

بيىلعى فورۋمنىڭ باستى ماقساتى — اۋىل ايەلدەرىنىڭ قول جەتكىزگەن جەتىستىكتەرىن ناسيحاتتاۋ. رۋحاني جاڭعىرۋ مىندەتتەرىن، قازاقستاننىڭ جاسىل ەكونوميكاعا كوشۋ تۇجىرىمداماسىن جۇزەگە اسىرۋعا قوسقان ۇلەستەرىن كورسەتۋ. سونداي-اق، بۇگىنگى شاراعا  «جاسىل ەكونوميكا جانە G-Global- دى دامىتۋ كواليتسياسى» زاڭدى تۇلعالار بىرلەستىگىنىڭ باسقارما ءتورايىمى، قازاقستان رەسپۋبليكاسىنىڭ پرەزيدەنتى جانىنداعى جاسىل ەكونوميكاعا ءوتۋ كەڭەسىنىڭ مۇشەسى راحيمبەكوۆا سالتانات تەمىرقۇلقىزى مەن اتالمىش بىرلەستىكتىڭ اتقارۋشى ديرەكتورى سۇلەيمەنوۆ اسحات مۇراتۇلى دا قاتىستى.

«قازىرگى تاڭدا جالپى وبلىس تۇرعىندارىنىڭ 47,8 پايىزى ايەلدەر  بولسا، ونىڭ 54,7 پايىزى اۋىلدىق جەرلەردە تۇرادى. قازىر ايەلدەر بارلىق سالالاردا جۇمىس ىستەيدى. ستاتيستيكاعا جۇگىنسەك، بۇگىنگى تاڭدا  پەداگوگتاردىڭ 73 پايىزى، دارىگەرلەر مەن مەديتسينا قىزمەتكەرلەرىنىڭ 87 پايىزى وسى نازىك جاندىلار بولىپ تابىلادى. بيۋدجەتتىك سالا قىزمەتكەرلەرىنىڭ 65 پايىزى ايەلدەردىڭ ۇلەسىندە. مەملەكەتتىك باسقارۋدىڭ بارلىق جۇيەسى كوپ جاعدايدا ولاردىڭ كاسىبيلىگىنىڭ ارقاسىندا جۇمىس ىستەپ تۇر. مەملەكەتتىك قىزمەتتەگى ايەلدەردىڭ ۇلەسى 35,4 پايىز. بۇعان دەيىن وبلىستا ءتۇرلى دەڭگەيدەگى دەپۋتاتتاردىڭ 9 پايىزىن ايەلدەر قۇراعان بولسا، سوڭعى كەزەكتەن تىس وتكىزىلگەن سايلاۋدا دەپۋتات ايەلدەردىڭ سانى 21 پايىزدى قۇراپ وتىر. شاعىن جانە ورتا كاسىپكەرلىكتى دامىتۋدا دا اۋىلدىق جەرلەردەگى ايەلدەر بەلسەندىلىك تانىتىپ كەلەدى. بۇگىنگى تاڭدا وڭىردەگى كاسىپكەر ايەلدەردىڭ 48,3 پايىزى اۋىلدىق جەردە ءوز كاسىپتەرىن دوڭگەلەتىپ وتىر»،-دەدى وبلىس اكىمى.

بۇگىنگى فورۋم اياسىندا كاسىپكەر ايەلدەردىڭ قولىنان شىققان ءتۇرلى بۇيىمدار مەن ونىمدەردىڭ كورمەسى ۇيىمداستىرىلدى.

شارا بارىسىندا ءوز سالاسىندا جەتىستىككە جەتكەن ءبىر توپ نازىك جاندىلار مەن كوپبالالى انالار ءتۇرلى نوميناتسيالار بويىنشا ماراپاتتالدى.

Abai.kz