2019 جىلعى بەيبىتشىلىك جونىندەگى نوبەل سىيلىعى ەفيوپيا پرەمەر-ءمينيسترى ابي احمەد اليگە بەرىلدى.

سىيلىققا ۇمىتكەرلەردىىرىكتەگەن كوميتەت ابي احمەد ءاليدىڭ ەريتەريامەن بەيبىت كەلىسىم جاساسۋداعى ەڭبەگىن ەلەپتى. بۇل تۋرالى نوبەل كوميتەتىنىڭ وكىلى وسلوداعى سالتاناتتى كەشتە مالىمدەگەن.

نوبەل سىيلىعى الەمدەگى ەڭ بەدەلدى سىيلىقتاردىڭ ءبىرى. نوبەل سىيلىعى شۆەد ونەرتاپقىشى جانە ونەركاسىپ يەسى الفرەد نوبەلدىڭ  (1833—1896) وسيەتى بويىنشا قۇرىلعان. ونى تابىستاۋ ءراسىمى وسلودا جانە سول كۇنى ستوكگولمدە وتەدى.

2019 جىلعى نوبەل سىيلىقتارىنىڭ ارقايسىسىنىڭ باعاسى توعىز ميلليون شۆەد كرونى (شامامەن 900 مىڭ دوللار).

وسىعان دەيىن ادەبيەت، مەديتسينا، فيزيكا جانە حيميا سالالارى بويىنشا بيىلعى جىلعى نوبەل يەگەلدەرىنىڭ ەسىمدەرى بەلگىلى بولعان.

ايتا كەتەيىك، ەكس-پرەزيدەنت نۇرسۇلتان نازارباەۆ الەمدە بەيبىتشىلىك ورناتۋ جولىنداعى ەڭبەگى ءۇشىن جەتى مارتە نوبەل سىيلىعىنا ۇسىنىلعان بولاتىن.

تاقىرىپقا تۇزدىق رەتىندە ايتا كەتەيىك، قازىرگى كۇنگە دەيىن بەيبىتشىلىك جونىندەگى نوبەل سىيلىعى 26 مەملەكەتتىڭ باسشىسىنا عانا بەرىلىپتى. ولاردىڭ قاتارىندا اقش پرەزيدەنتتەرى تەودور رۋزۆەلت، ۆۋدرو ۆيلسون، دجيممي كارتەر، باراك وباما، كسرو پرەزيدەنتى ميحايل گوربوچەۆ، يزرايل پرەزيدەنتى شيمون پەرەس، پولشا پرەزيدەنتى لەح ۆالەنسا، وار پرەزيدەنتى نەلسون ماندەلا، گەرمانيا كانتسلەرى ۆيللي براندت،  ميانما كوسەمى اۋن سان سۋ چجي، پالەستينانى ازات ەتۋ قوزعالىسىنىڭ ليدەرى ياسىر ارافات ت.ب. بار.

Abai.kz