قىتاي ازاماتتارىمەن توبەلەسكەن الماتى وبلىسىنىڭ بەس ازاماتى ەكى ايعا قامالدى. بۇل تۋرالى كۇدىكتىلەردىڭ تۋعان-تۋىستارى ايتتى، دەپ حابارلايدى "جاسالاش" سايتى. قاماۋ تۋرالى سانكتسيانى وبلىستىق سوت بەرگەن.

-سوت كەشكى بەستەر شاماسىندا باستالدى. ساعات تۇنگى توعىزعا تامان اياقتالدى. ءبىزدىڭ سوتقا كىرگىزبەدى. ەستۋىمىزشە جابىرلەنۋشىلەر كەلمەدى. ولار قىتاي كونسۋلىمەن بىرگە سوتقا قاتىسۋعا ىقلاس تانىتىپتى. سۋديا تەرگەۋگە دەيىن ەكى ايعا قاماۋ تۋرالى شەشىم شىعاردى. كەپىلدىكپەن بوستاندىققا شىعارۋ ءۇشىن بەس ميلليون قويۋ كەرەك, - دەيدى كۇدىكتىلەردىڭ اعاسى ەربول مۇحامەتالين.

قازىر قك-ءتىڭ 293-بابى 3 ءبولىمى، 107 بابى 2-ءبولىمى جانە 106 بابى 2-ءبولىمى بويىنشا بەرىكبول رىسالدينوۆ، بەيبىت، نۇربول مۇحامەتالين جانە تاعى ءبىر اعايىندى سارقىن پەن ەركىن سالقانوۆتار ايىپتالىپ وتىر.

الماتى وبلىستىق پوليتسيا دەپارتامەنتىنىڭ دەرەگىنشە 7 قازان كۇنى «CITIC Construction» جۇمىسشىلارى اراسىندا وندىرىستىك قارىم-قاتىناس نەگىزىندە توبەلەس بولعان. قانات جامبىل ەسىمدى ازاماتتى بىرنەشە شەتەلدىك جۇمىسشى ۇرعان. ەرتەسىندە بۇل وقيعا تاعى ءبىر كيكىلجىڭگە جالعاستى. ياعني سوققىعا جىققان. رەسمي اقپاراتتارعا سۇەنسەك ءتورت شەتەلدىك ازامات ءتۇرلى دەنە جاراقاتىمەن اۋرۋحاناعا جاتقىزىلدى.

Abai.kz