جۇما, 29 ناۋرىز 2024
2703 0 پىكىر 11 قازان, 2019 ساعات 11:36

الماتىدا وڭىرلىك كەڭەس مۇشەلىگىنە العاشقى سايلاۋ وتەدى

«اتامەكەن» ۇلتتىق كاسىپكەرلەر پالاتاسى وسى جىلى الماتى قالاسى كاسىپكەرلەر پالاتاسى وڭىرلىك كەڭەسىنىڭ مۇشەلىگىنە كانديداتتار سايلاۋىن العاش رەت وتكىزەدى. پيلوتتىق جوبا جۇزەگە اسىرىلعاننا كەيىن كەيىن ۇكپ وسى تاجىريبەنى رەسپۋبليكا بويىنشا وڭىرلىك پالاتالارعا تاراتۋدى جوسپارلاپ وتىر.

«قر ۇلتتىق كاسىپكەرلەر پالاتاسى تۋرالى» قر زاڭىنا سايكەس وڭىرلىك كەڭەستىڭ مۇشەلەرى سەزد بەكىتكەن تارتىپپەن كاسىپكەرلىك سۋبەكتىلەرى اتىنان دەلەگاتتارىنىڭ تىكەلەي داۋىس بەرۋى ارقىلى سايلانادى.  «اتامەكەن» ۇكپ قالىپتاسۋى كەزەڭىندە بەلگىلى ءبىر بيزنەسمەننىڭ قوعامداعى بەدەلى جانە ونىڭ بيزنەسىنىڭ سالالىق ماڭىزىن ەسەاكە الا وتىرىپ وڭىرلىك كەڭەستىڭ قۇرامىن قالىپتاستىرۋ ورىندى ەدى. ۇكپ سەزدىنىڭ 2018 جىلعى 21 ماۋسىمداعى شەشىمىنە سايكەس وڭىرلىك كەڭەس مۇشەلەرىنىڭ سايلاۋى قر ۇكپ تورالقاسى شەشىمىمەن ءۇش جىل ىشىندە جۇرگىزىلۋى كەرەك.

الايدا، وسى جىلدىڭ 28 تامىزىندا الماتى قالاسى كاسىپكەرلەر پالاتاسى وڭىرلىك كەڭەسىنىڭ مۇشەلەرى ورتاق ۋاعدالاستىق نەگىزىندە ءوزىن-ءوزى تاراتۋ بويىنشا شەشىم قابىلداپ، وڭىرلىك كەڭەس مۇشەلىگىنە كانديداتتار سايلاۋىن وتكىزۋدى ۇسىندى.

الماتى قالاسى وڭىرلىك كەڭەسىنىڭ شەشىمىن، سونداي-اق الماتىدا باسقا قالالارمەن سالىستىرعاندا وتاندىق كومپانيالار سانى باسىم (بارلىعى 186 000 كاسىپكەرلىك سۋبەكتىسى جۇمىس ىستەيدى) ەكەنىن ەسكەرە وتىرىپ، ۇكپ وڭىرلىك كەڭەس مۇشەلىگىنە كانديداتتاردى سايلاۋدى پيلوتتىق رەجيمدە الماتى قالاسىندا وتكىزۋ بويىنشا شەشىم قابىلدادى. سودان كەيىن ۇكپ تورالقاسى شەشىمى بويىنشا الماتىلىق تاجىريبە بۇكىل رەسپۋبليكاعا تارالاتىن بولادى.

الماتى قالاسى كاسىپكەرلەر پالاتاسىنىڭ وڭىرلىك كەڭەسى مۇشەلىگىنە كانديتتاردان ءوتىنىم قابىلداۋ وسى جىلدىڭ قاراشا ايىنان باستالادى. وسى كۇنى «اتامەكەن» ۇكپ رەسمي سايتىندا جانە رەسمي اككاۋنتتارىندا ۇمىتكەرلەردى تىركەۋگە ارنالعان سىلتەمە جاريالانادى.

سايلاۋ جانە كانديداتتارعا قويىلاتىن تالاپتار تۋرالى تولىق اقپاراتتى مىنا سىلتەمەدەن الۋعا بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606