جەكسەنبى, 17 قاراشا 2019
946 0 پىكىر 8 قازان, 2019 ساعات 13:20

"كۇي-امانات" بايقاۋى جاريالاندى

سارسەنوۆ ورازبەك 1923 جىلى 17 قازان كۇنى وقو ارىس اۋدانىنداعى بايىرقۇم ەلدى مەكەنىندە دۇنيەگە كەلگەن. مەكتەپتە العىر، وتە زەرەك بولىپ، 9  سىنىپتى 5 جىلدا ءتامامداپ شىققان. كەيىن تۇركىستانداعى كوللەدجدى پەداگوگ ماماندىعى بويىنشا اياقتاپ، بايساقال اۋىلىنداعى مەكتەپكە مۇعالىم بولىپ ورنالاسىپ، ءبىر جىلدان كەيىن مەكتەپتىڭ ديرەكتورى بولىپ تاعايىندالادى. بالالارى ەر جەتكەسىن، ولاردىڭ  بولاشاعىنا الاڭداعان ورازبەك ساۋدا جاعىنا اۋىسىپ، ءومىرىنىڭ سوڭىنا دەيىن سول سالادا ەڭبەك ەتكەن.

ورازبەك كۇيشى 1969 جىلى وبىر اۋرۋىنان قايتىس بولعان. سول جىلى كوكتەم كەش كەلىپ،  جەتىنشى مامىر كۇنى تاڭەرتەڭ بالالارىنا: «دومبىرامدى بەرىڭدەرشى»، - دەپ ءوزىنىڭ «قىزىلقۇم» كۇيىن شەرتىپ: - وسى سالالى ساۋساقتار دا ءبىر كۇنى توپىراقتا ءشىريدى-اۋ! -دەگەن ەكەن. بۇل سوزدەردى ەشكىم ەلەمەگەن. 9 مامىر كۇنى ساعات 10 شاماسىندا ءومىردى، بالالارىن قيماي كوز جۇمادى.

ورازبەك «سەگىز قىرلى، ءبىر سىرلى» ازامات ەدى. وزبەكستاننىڭ ءبىرىنشى ارناسىندا اپتاسىنا  ءبىر رەت بەرىلەتىن «زامانداس» مۋزىكالىق باعدارلاماعا  1967 جىلى ارنايى شاقىرىلىپ، ءوزىنىڭ 7 كۇيىن جازدىرىپ كەلدى. باعدارلامانىڭ جۇرگىزۋشىسى مىرسىدىق ۇستاباباەۆتىڭ ايتقان تىلەكتەرى جازىلعان. ورازبەكتىڭ  كۇيلەرى مەن ولەندەرىندە مۇڭلى، وسيەتكە، جەر مەن ەلگە دەگەن ساعىنىش باسىم. ءومىرىنىڭ قىسقا بولاتىنىن سەزگەندەي

ورازبەك قايىرىمدى، مەيىرىمدى، وتە كەڭ ادام بولعان. اسىرەسە، جەتىم-جەسىرلەرگە قول ۇشىن بەرىپ، قولىنان كەلگەن كومەگىن اياماعان.

كۇيشىنىڭ بالالارى دا دومبىرا شەرتىپ ءان ايتقانمەن، ونەر جولىنا تۇسپەگەن. كوزى تىرىسىندە  بالالارىنا ولەڭ جاتتاتىپ، دومبىرا تارتقىزىپ، ونەرگە باۋلىعان. ورازبەكتىڭ اڭشىلىق ونەرى دە بولعان. ەل ءالى ەسىن جيماعان ۋاقىتتا اڭعا كەتىپ، قويان، قىرعاۋىل، تۇلكى اتىپ، بۇكىل ەلگە تاراتادى ەكەن.

ورازبەك - ۇزىن بويلى، ات جاقتى كەلگەن، ابىرويلى بولعان. ءوزىنىڭ قىسقا عۇمىرىندا ونەرىمەن،  جومارتتىعىمەن، ادامگەرشىلىگىمەن جاستارعا ۇلگى بولعان كۇيشى.

جيدەلىبايسىن كۇي مەكتەبىنىڭ وكىلى، ورازبەك كۇيشىنىڭ ۇرپاقتارى اكەلەلەرىنىڭ كۇي-اماناتىن ناسيحاتتاۋ ماقساتىندا ەلىمىزدەگى كۇيشىلەر اراسىندا بايقاۋ جاريالايدى.

بايقاۋدىڭ تالاپتارى:

1. ۆ كونتاكتە الەۋمەتتىك جەلىسىندەگى كۇلاينا ورازبەكقىزىنىڭ https://vk.com/id366513476 پاراقشاسىندا ورازبەك كۇيشىنىڭ جەتى كۇيى بەرىلگەن. كۇيشى مىندەتتى تۇردە "كۇلتىر-ماماي" كۇيىن جانە قالعان التى كۇيدىڭ بىرەۋىن ءوز تالعامىنا قاراي ورىنداۋى ءتيىس. كۇيشىلەر بايىرعى قۇيماقۇلاق داستۇرىمەن، كۇيلەردى ەستۋ ارقىلى الادى.

2. كۇيشى ءوزىنىڭ اتى-ءجونىن، قىسقاشا ءومىربايانىن جازىپ، كۇيلەردىڭ wafe نەمەسە ۆيدەو نۇسقاسىن sarsenova.001@mail.ru پوچتاسى مەن Whatsapp  نومەرىنە 10-شى جەلتوقسانعا دەيىن جىبەرۋى كەرەك.

بايقاۋ قورىتىندىسىن بەلگىلى كۇيشىلەر: قازاقستاننىڭ ەڭبەك سىڭىرگەن قايراتكەرى، پروفەسسور جانعالي ءجۇزباي، قۇرمانعازى اتىنداعى قۇك دوتسەنتى، بىرنەشە كۇيشىلەر كونكۋرسىنىڭ لاۋرەاتى مۇرات ابۋعازى جانە ء"جۇسىپ" كۇيىنىڭ اۆتورى، ءجۇسىپ سارسەنۇلىنىڭ نەمەرەسى ءمادي كوشىكباەۆ شىعارادى. جەڭىمپازداردى 2019 جىلى جەلتوقساننىڭ 16-ى كۇنى كۇلاينا ورازبەكقىزى فەيسبۋك پاراقشاسىندا جاريالايدى.

سىيلىق قورى:

باس جۇلدە: - 200 000 تگ

ءى-ورىن: - 120 000 تگ

ءىى-ورىن: - 80 000 تگ

ءىىى-ورىن: - 50 000 تگ

كۇيدىڭ مر3 نۇسقاسى قاجەت دەيتىندەر رەداكتسيا القاسىمەن حابارلاسۋ كەرەك.

Abai.kz

0 پىكىر