بەيسەنبى, 14 قاراشا 2019
937 8 پىكىر 8 قازان, 2019 ساعات 11:55

رەسەي حالقىنىڭ سانى ميگرانتتار ەسەبىنەن عانا كوبەيەدى

رەسەيدە كەمىندە 2023 جىلعا دەيىن حالىق سانى تابيعي تۇردە ازايادى. بۇل تۋرالى 2020-2022 جىلدارعا ارنالعان رەسەيدىڭ الەۋمەتتىك-ەكونوميكالىق دامۋ بولجامىندا ايتىلادى.

قۇجاتقا سايكەس، 2023 جىلعا دەيىن حالىق سانى تەك ميگرانتتار ەسەبىنەن كوبەيەدى. تابيعي ءوسىم تەك 2024 جىلدان باستالۋى مۇمكىن. 2024 جىلعا قاراي رەسەي حالقىنىڭ سانى 149 ميلليون ادامعا جەتۋى مۇمكىن.

2019 جىلدىڭ العاشقى جارتىسىندا ءولىم سانى تۋ سانىنان 199 مىڭ ادامعا كوپ بولعان. ميگراتسيا اعىمى تابيعي ازايۋ سانىنىڭ ورنىن تولتىرا الماعان. ونىڭ ۇستىنە رەسەيدە بالا تۋاتىن جاستاعى ايەل سانى ازايىپ كەلەدى.

2015 جىلدان بەرى رەسەي مەملەكەتتىك ستاتيستيكا اگەنتتىگى قىرىم حالقىن دا قوسا ەسەپتەيدى (ەكى ميلليون ادام تۇرادى). قىرىمدى 2014 جىلى رەسەي باسىپ العاننان كەيىن، حالىق سانى 50 مىڭعا ازايعان.

Abai.kz

8 پىكىر